අග්‍රාමාත්‍ය මහින්ද රාජපක්ෂ මහතා අතට මෙම එන්නත සංකේතාත්මකව ලබා දෙනු ඇතැයි වාර්තා වෙයි.

කොරෝනා වෛරසය සදහා ලෝක සෞඛ්‍ය සංවිධානය ඉදිරියේදී අනුමත කරන එන්නතක් ශ්‍රී ලංකාවට මාත්‍රා ලක්ෂ විස්සක් ලබාදීමට නියමිතය.

මෙය ලබා දීම සිදු කිරීමට නියමිතව ඇත්තේ එය සංකේතාත්මකව බාර දීමයි.

ඉන් අනතුරුව නියම කරන දිනයක දී එම වැඩපිළිවෙලට අනුව එන්නත් ලබා දීමට නියමිතව ඇත.

අද (22) උදෑසන මාධ්‍ය වෙත අදහස් දක්වමින් යුද හමුදාපතිවරයා මේ බව සඳහන් කළේය.

මේ පිළිබඳ වැඩිදුරටත් අදහස් දැක්වු යුද හමුදාපතිවරයා,

“අපි මේ අවස්ථාවේ දී කිසිදු බලාපොරොත්තුවක් නැහැ මේ ආකාරයෙන් නිරෝධායන ඇඳිරිනීතියක් පනවන්න හෝ අපි දැනට පනවපු නැති ප්‍රදේශවල අත්‍යාවශ්‍යතාවයක් හැරුණු කොට හුදකලා කිරීමක් සිදුකිරීමට බලාපොරොත්තු වෙන්නේ නෑ. ඒත් එක්කම සංචරණ සීමා පැනවීමට අවශ්‍ය නෑ. නීති පැනවීමට අවශ්‍ය නෑ. රටේ ඉන්නේ බුද්ධිමත් ජනතාවක්. විශේෂයෙන් මේ ගැන අධ්‍යයන කරලා අධ්‍යක්ෂ ජනරාල් වෛද්‍ය සහ සෞඛ්‍ය කේෂ්ත්‍රයෙන් ගත යුතු ක්‍රියාමාර්ග ඉදිරියේ දී ගනී. ජනාධිපතිවරයාගේ උපදෙස් මත. මේ වෙලාවේ දී සංචරණ සීමාවක් පැනවීමට අවශ්‍යතාවයක් නෑ. ඕනෑම අවස්ථාවක එසේ පැනවීමට අවශ්‍ය වුවහොත් එය සිදුකිරීමට කටයුතු කරනු ලබනවා.“