අප්‍රේල් මස 25 වැනි දා පැවැත්වෙන පාර්ලිමේන්තු මහ මැතිවරණයේ රාජකාරි සඳහා නිළධාරීන් ඇතුළු ලක්ෂ දෙකක පමණ කාර්යය මණ්ඩලයක් යොදවන බව මැතිවරණ කොමිෂන් සභාව පවසයි.
වොල්බැකියා බැක්ටීරියාව මෙරට තුළ සාර්ථක වුවහොත් එය ශ්‍රී ලංකාවේ ඩෙංගු මර්දන ව්‍යාපාරය ලබාගන්නා ඉතා විශාල ජයග්‍රහණයක් බවත්, එමගින් ඩෙංගු මර්දනය සඳහා විශාල පිටිවහලක් ලැබෙනු ඇති බවත්, සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා ප්‍රකාශ කරයි.
ලෝකය පුරා ව්‍යාප්තවී තිබෙන කොරෝනා වෛරසය (COVID – 19) රට තුළට ඇතුළු වීම වළක්වා ගැනීමට ගත් පියවරක් ලෙස දකුණු කොරියාව,ඉතාලිය සහ ඉරානය යන රටවලින් පැමිණෙන සියලු ගුවන් මඟීන් සහ නෞකාවලින් පැමිණෙන මඟීන් දින 14ක නිරෝධායන ක්‍රියාවලියකට ලක් කිරීමට තීරණය කළ බව සෞඛ්‍ය අමාත්‍ය පවිත්‍රා වන්නි ආරච්චි මහත්මිය පවසයි.
ඩෙංගු රෝගය මර්දනය කිරීම සඳහා යොදාගන්නා වොල්බැකියා බැක්ටීරියාව සහිත මදුරුවන් පරිසරයට නිදහස් කිරීමේ සමාරම්භක උළෙල (02) දා නුගේගොඩ ආනන්ද සමරකෝන් එළිමහන් රංගපීඨයේදී පැවැත්විනි.
අන්තර් පාසල් ක්‍රිකට් තරගාවලියට සමගාමී ව පැවැත්වෙන රථවාහන පෙලපාලිවල දී, ඒ සඳහා සහභාගී වන එක් එක් පාසල්වල කීර්ති නාමය විනාශ නොකර මාර්ග විනය පවත්වාගැනීම සම්බන්ධ ව එම තරගාවලීන් පවත්වන සියලු ජාතික පාසල්වල විදුහල්පතිවරුන්, ආදිශිෂ්‍ය සංගම් නියෝජිතයින් සහ ශිෂ්‍ය නායකයින් දැනුවත් කිරීමේ හමුවක් අධ්‍යාපන අමාත්‍යවරයාගේ උපදෙස් පරිදි පසුගිය දා අධ්‍යාපන අමාත්‍යාංශයේ දී පැවැත්විණි.