ජාතික ආරක්ෂාව සුරකීම රජයේ මූලික වගකීමක්. සුරක්ෂිත රටක් කිරීමට රාජ්‍ය ආරක්ෂක යාන්ත්‍රණය ශක්තිමත් කරනවා. මගේ රටට ආදරය කරනවා. රට ගැන දැක්මක් තිබෙනවා .අපට තිබෙන්නේ, ජාතියක් ලෙස එකට එක් වී මේ රට ගොඩ නැඟීමේ වගකීමයි යැයි ජනාධිපති ගෝඨාභය රාජපක්ෂ මැතිතුමා පැවසීය.

ශ්‍රී ලංකාවේ හත්වැනි විධායක ජනාධිපතිවරයා තෝරා පත් කර ගැනීමේ ඡන්ද විමසීම අද (16) පෙරවරු 7.00ට ආරම්භ විය. දිවයින පුරා මධ්‍යස්ථාන 12,845ක පස්වරු 5.00 දක්වා ඡන්දය ප්‍රකාශ කිරීමට ඡන්ද දායකයන්ට අවස්ථාව ලැබෙන අතර උදෑසනම ඡන්ද පොළට ගොස් තම ඡන්දය භාවිතා කරන ලෙස මැතිවරණ කොමිසම ජනතාවගෙන් ඉල්ලීම් කරයි.

හත් වැනි ජනාධිපතිවරණයේ ඡන්ද විමසීම අද (16) උදේ 07.00 ට ආරම්භ වූ අවස්ථාවේ සිට දිවයිනේ සෑම ප්‍රදේශයකම ඡන්දදායකයෝ මහත් උද්‍යෝගයකින් ඡන්ද පොළවල් වෙත පැමිණෙමින් සිටින බව අප දිස්ත්‍රික් මාධ්‍යවේදීහු පවසති.

මැතිවරණ කොමිසමේ නියමය පරිදි ජනාධිපතිවරණය පැවැත්වෙන දිනයන්හි දී (16 හා 17) දිවයින පුරා සියලුම සුරාසැල් වසා තැබෙන බව නියෝජ්‍ය සුරාබදු කොමසාරිස් කපිල කුමාරසිංහ මහතා පැවසීය.

දිවයිනේ සියලු දිස්ත්‍රික්ක වල ඡන්දය පැවැත්වීම සඳහා සියල්ල සුදානම් කර අවසන් බවත්, මැතිවරණ රාජකාරි වල නිරත වීමට අනියුක්ත කර ඇති සියලුම නිලධාරීන්ට අදාල රාජකාරි ලිපි මේ වන විටත් යවා ඇති බවත්, ඡන්ද පෙට්ටි ආදිය ද සියල්ල අදාළ ඡන්ද මධ්‍යස්ථාන වලට නිකුත් කිරීමට කටයුතු ද මේ වන විට සූදානම් බවත් මැතිවරණ කොමිෂන් සභාවේ සභපති මහින්ද දේශරිය මහතා පවසයි.

නොවැම්බර් මස 15 සහ 16 යන දිනවලදී සබරගමුව, මධ්‍යම හා බස්නාහිර පළාත්වලත් ගාල්ල, මාතර හා කුරුණෑගල දිස්ත්‍රික්කවලත් සවස් කාලයේ ගිඟුරුම් සහිත වැසි ඇති වීමේ හැකියාවක් ඇතැයි කාලගුණ විද්‍යාදෙපාර්තමේන්තුව සදහන් කරයි.

නිවේදනයක් නිකුත් කරමින් අධ්‍යාපන අමාත්‍යාංය සඳහන් කළේ ජාතික මැතිවරණ කොමිෂන් සභාවේ ඉල්ලීමකට අනුව මෙලෙස පාසල් වසා දැමීමට කටයුතුකර ඇති බවයි.

අද මධ්‍යම රාති‍්‍රයෙන් පසු ජනාධිපතිවරණයට අදාළ කිසිඳු ප‍්‍රචාරක කටයුත්තක් සිදු කිරීම මැතිවරණ නීතිවලට අනුව තහනම් වන බව මැතිවරණ කොමිෂන් සභාව සදහන් කරයි.

ශ‍්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ අද, තිස්සමහාරාම, මාතර, ගාල්ල, කලුතර සහ හෝමාගම යන නගරවල ජනරැළි ඇමතීමට නියමිතයි. ඔහු සහභාගී වන අවසන් මහා රැළිය පැවැත්වෙන්නේ කැස්බෑවේදී පැවැත්වේ.

එළඹෙන ජනාධිපතිවරණය රාජකාරි වල නිරත වන සියලුම පොලිස් නිළධාරීන් සඳහා අවශ්‍ය වන මනව සහ භෞතික සම්පත් සියල්ල වෙන් කර ඇති බවත්, අවශ්‍ය සැම නෛතික සහ ප්‍රයෝගික උපදෙසක් ම ඒ ඒ පොලිස් ස්ථාන වලට ලබා දී ඇති බවත් පොලිස් මාධ්‍ය ප්‍රකාශක,පොලිස් අධිකාරි රුවන් ගුණසේකර මහතා ඊයේ (11) පොලිස් මුලස්ථානයේ දී පැවැත් වූ මාධ්‍ය හමුවක දී පවසන ලදී.

ඒ අනුව, පොලිස් මූලස්ථානය විසින් පොලිස් නිළධාරීන් සඳහා විශේෂයෙන් අනුගමනය කළ යුතු උපදෙස් අඩංගු පොතක් රජයේ මුද්‍රණාලය විසින් මුද්‍රණය කොට ප්‍රකාශයට පත් කොට ඇත. භාෂා තුනෙන්ම සමන්විත මෙම උපදෙස් මාලාව අඩංගු පොත සැම පොලිස් කොට්ඨාසයකටම ලබා දී ඇති බවත් මෙහි දී සඳහන් කෙරිණි.

එමෙන්ම, ජනාධිපතිවරණය සඳහා පොලිස් කොට්ඨාස වෙත විශේෂ රාජකාරි සඳහා යෙදීමට නියමිත සියළුම පොලිස් නිළධාරීන් එළෙඹෙන 14 වන දා උදැසන 10.00 වන විට ඒ ඒ පොලිස් කොට්ඨාස වෙත තමන්ට නියමිත
රාජකාරිවලට වාර්තා කළ යුතු බවත් මෙහි දී සඳහන් කළේ ය.

ඉන් අනතුරුව එම පොලිස් නිළධාරීන්ව නියමිත පොලිස් ස්ථාන වලට බෙදා වෙන් කරන අතර 14 වන දින දහවල වන විට එම නිළධාරීන්ව අදාළ පොලිස් ස්ථාන වෙත රැගෙන යාම සිදු කරනු ලබයි. ඉන් පසු එදිනම සවස එම පොලිස් ස්ථානයේ දී ම එම නිළධාරීන්ට උපදෙස් පන්තියක් පැවැත්වේ. එහි දී තමන් අනියුක්ත කර තිබෙන රාජකාරිය නිළධාරීන්ට දැනුම් දෙනු ලැබේ.

සැම පොලිස් ස්ථානයකම ස්ථානාධිපති වරයෙක් සිටින බවත්, ඊට අමතරව සැම පොලිස් ස්ථානයක්ම ඒ ඒ ශ්‍රේණිවල වර්ගීකරණයට අනුව ජනාධිපතිවරණයට අදාළව අධීක්ෂණය කිරීම සඳහා සහකාර පොලිස් අධිකාරී වරයෙක් හෝ ප්‍රධාන පොලිස් පරීක්‍ෂක වරයෙක් යොදවා ඇතැයි ද මෙහි දී වැඩිදුරටත් සඳහන් කෙරිණි.
එමෙන්ම, 15 වන දින උදැසන 06.00 වන විට දිවයින පුරා ක්‍රියාත්මක කිරීමට නියමිත සැම ජංගම සංචාරයක් ම ආරම්භ වන බවත් මෙහි දී සඳහන් කෙරිණි. එමෙන්ම, ඡන්ද මධ්‍යස්ථාන රාජකාරි සඳහා යෙදවෙන නිළධාරීන් දෙදෙනාගෙන් එක් අයෙකු 15 වන දා උදැසන ඡන්දපොළට රැගෙන යාමටත්, අනිත් නිළධාරියා ඡන්ද පෙට්ටි රැගෙන ඒමට ආරක්ෂාව සැපයීමටත් රැගෙන යනු ඇත.