ගිං ගඟෙහි තවලම ජල මිනුම් ස්ථානය සාමන්‍ය මට්ටමේ පවතින අතර බද්දේගම ජල මිනුම් ස්ථානයේ ජල මට්ටම සුළු ගංවතුර මට්ටමේ පවතින අතර එම තත්ත්වය ඉදිරි පැය 06ක කාලය තුළ තවදුරටත් ඉහළ යාමක් අපේක්ෂා කෙරේ.
 
කළු ගඟෙහි මිල්ලකන්ද ජල මිනුම් ස්ථානය සුළු ගංවතුර මට්ටමේ පවතින අතර එය ද තවදුරටත් වර්ධනය විය හැකිය.
 
පවතින වර්ෂාපතනය අනුව මෙම ගංඟාවන් ගංවතුර මට්ටම්වල තවදුරටත් ඉහළ යාමක් බලාපොරොත්තුවන බැවින් එම ගංඟා අවට පදිංචි ජනතාවට අවධානයෙන් සිටින ලෙස එම දෙපාර්තමේන්තුව වැඩිදුරටත් දන්වා සිටී.