පූජ්‍ය අතුරලියේ රතන හිමියන් නෙරපා හැරීමට අපේ ජනබල පක්ෂය ගත් තීරණයට එරෙහිව ශ්‍රේෂ්ඨාධිකරණය අද තීන්දු කළ අතර නෙරපා හැරීම නීතියෙන් වලංගු නැත බව තීරණය කළේය.
මෙම ශ්‍රේෂ්ඨාධිකරණ තීන්දුවත් සමඟ රතන හිමියන්ට පක්ෂ සාමාජිකත්වයෙන් නෙරපා හැරීමෙන් පසු පාර්ලිමේන්තු මන්ත්‍රීවරයකු ලෙස කටයුතු කිරීමට නීතිමය බාධාවක් නොමැත.
බුවනෙක අලුවිහාරේ, මුර්දු ප්‍රනාන්දු සහ ජනක් ද සිල්වා යන ශ්‍රේෂ්ඨාධිකරණ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල තීරණය කළේ විනය කමිටුවේ යැයි කියනු ලබන තීන්දුවක් මත පෙත්සම්කරු ‘අපේ ජනබල පක්ෂය’ සාමාජිකත්වයෙන් නෙරපා හැරීමේ තීරණය බැලූ බැල්මට නීති විරෝධී බවයි.
පෙත්සම්කරු වෙනුවෙන් ජනාධිපති නීතිඥ සංජීව ජයවර්ධන සහ රුක්ෂාන් සේනාධීර යන මහත්වරු පෙනී සිටියහ. අපේ ජනබල පක්ෂය වෙනුවෙන් ජනාධිපති නීතීඥ ෆර්මන් කැසිම් මහතා පෙනී සිටියේය.
11 වැනි වගඋත්තරකරු වෙනුවෙන් නීතිඥ නිල්ශාන්ත සිරිමාන්න සහ දේශාර ගුණතිලක යන මහත්වරු පෙනී සිටියහ. නියෝජ්‍ය සොලිසිටර් ජනරාල් අවන්ති පෙරේරා මහත්මිය නීතිපතිවරයා වෙනුවෙන් පෙනී සිටියාය.