දේශගුණික විපර්යාස නිසා ලිබියාවේ මාරාන්තික ගංවතුර ඇති වීමට හේතු වන අධික වර්ෂාපතනය පනස් ගුණයකින් වැඩි විය හැකි බව කාලගුණ විද්‍යාඥයින් පවසයි.

ලිබියාවේ දරුණුතම ස්වභාවික ව්‍යසනය පසුගියදා වාර්තා වූ අතර එය වැලැක්වීමට අපොහොසත් වීම සම්බන්ධයෙන් මහජන කෝපය පාලනය කිරීමට බලධාරීන් උත්සාහ කළ නමුත් මෙහි දී සන්නිවේදනය බිදවැටී ගැටුම් ඇති වූ බව වාර්තා වේ. පීඩාවට පත් ජනතාව ඇතැම් මාධ්‍යවේදීන් දැදී සිටින ස්ථානවලින් පිටතට තල්ලු කරන අතර ගංවතුරෙන් පීඩාවට පත් ඩර්නා නගරයේ පිරිස් එක්සත් ජාතීන්ගේ ආධාර කණ්ඩායමක් අවහිර කර ඇත.

සංක්‍රමණිකයන් පිළිබඳ ජාත්‍යන්තර සංවිධානය අනුව චැඩ්, ඊජිප්තුව සහ සුඩානයෙන් සංක්‍රමණිකයන් 8,000 කට වැඩි පිරිසක් ඩර්නා හි වාසය කළ අතර සැප්තැම්බර් 10 වන දින රාත්‍රියේ ඩැනියෙල් කුණාටුවෙහි අධික වර්ෂාව Derna ආරක්ෂිතව තබා ගැනීමට අවශ්‍ය වේලි දෙකක් හරහා කඩාවැටීමේදී දළවශයෙන් 400 සංක්‍රමණිකයන් මිය ගිය බව අනාවරණය වේ. (විදේශීය මාධ්‍ය)