පළාත් පාලන මැතිවරණය පැවැත්වීමට මැතිවරණ කොමිසම ගත් තීරණය අභියෝගයට ලක්කරමින් විශ්‍රාමික යුද හමුදා කර්නල්වරයෙකු ගොනුකළ මූලික අයිතිවාසිකම් පෙත්සම් විභාගයට ගැනීමට ශ්‍රේෂ්ඨාධිකරණය අද (4) අවසර ලබාදුන්නා.

මේ අතර, එස්.තුරෙයිරාජා, ඒ.එච්.එම්.ඩී යන ශ්‍රේෂ්ඨාධිකරණ ත්‍රිපුද්ගල විනිසුරු මඩුල්ල හමුවේ නවාස්, සහ ශිරාන් ගුණරත්න යන මහත්වරු මෙම පෙත්සම පවත්වාගෙන යාමේ හැකියාව අභියෝගයට ලක් කරමින් මැතිවරණ කොමිෂන් සභාව විසින් ඉදිරිපත් කරන ලද මූලික විරෝධතා ප්‍රතික්ෂේප කිරීමට තීරණය කළහ.

පෙත්සම්කාර කර්නල් විජේසුන්දර මහතා වෙනුවෙන් පෙනී සිටි ජනාධිපති නීතීඥ ෆයිස් මුස්තාපා මහතා කියා සිටියේ සීමා නිර්ණ ක්‍රියාවලිය සහ මැතිවරණ ක්‍රම ප්‍රතිසංස්කරණ නොසලකා හරිමින් පළාත් පාලන මැතිවරණය පැවැත්වීමට මැතිවරණ කොමිසම ගත් තීරණය නීතියට පටහැනි බවයි.

මැතිවරණ කොමිසම වෙනුවෙන් පෙනී සිටි ජනාධිපති නීතීඥ සාලිය පීරිස් මහතා කරුණු කිහිපයක් සම්බන්ධයෙන් මූලික විරෝධතා මතු කරමින් පෙත්සම ආරම්භයේදීම

නිෂ්ප්‍රභ කරන ලෙස අධිකරණයට දන්වා සිටියේය. ඔහු අධිකරණයට ඉදිරිපත් කළේ පෙත්සමට අවශ්‍ය (4ලියාපදිංචි ඡන්ද දායකයෙකු බවට කරුණු අනාවරණය කර නොමැති බැවින් පෙත්සම්කරුට ක්‍රියාමාර්ග ගැනීමට නීතිමය හැකියාවක් (locus standi) නොමැති බව ඔහු වැඩිදුරටත් කියා සිටියේය.

පෙත්සම ලබන වසරේ පෙබරවාරි 14 වැනිදාට කැඳවීමට ශ්‍රේෂ්ඨාධිකරණය නියම කළේය.

පළාත් පාලන මැතිවරණය මාර්තු 10 වැනිදා පැවැත්වීමට මැතිවරණ කොමිෂන් සභාව ගෙන ඇති තීරණය බලරහිත කිරීමේ නියෝගයක් නිකුත් කරන ලෙස කර්නල් විජේසුන්දර සිය පෙත්සමෙන් ඉල්ලා සිටියේය. පෙත්සම්කරු. භාණ්ඩාගාර ලේකම්වරයා වෙනුවෙන් අතිරේක සොලිසිටර් ජනරාල් නෙරින් පුල්ලේ මහතා පෙනී සිටියේය.