අන්තර් අමාත්‍යාංශ පාර්ශවකරුවන් සමඟ දැනට පවතින සහ ඉදිරියට එන ද්විපාර්ශ්වික මෙන්ම බහුපාර්ශ්වික ගිවිසුම්, ගිවිසුම් සහ අවබෝධතා ගිවිසුම් සම්බන්ධීකරණය කිරීම සහ පසු විපරම් කිරීම සඳහා ඩිජිටල් වේදිකාවක් හඳුන්වා දීමට විදේශ කටයුත්‍ර අමාත්‍යංශය පියවර ගෙන ඇත. ඉතිහාසයේ අත්සන් කරන ලද ගිවිසුම් ගැන කිසිම තොරතුරක් සොයා ගැනීමට නොහැකිවීමෙන් පසු මෙම පියවර ගෙන ඇති බව අනාවරණය වේ. විශේෂයෙන් චිනය සහ ඉන්දියාව සමග පසුගිය කාලයේ පැවැති ආන්ඩු අත්සන් කර ඇති ගිවිසුම්වල පිටපත් අස්ථාන ගතවී ඇති බව කියැවේ.
විදේශ කටයුතු අමාත්‍ය අලි සබ්රි, විදේශ කටයුතු රාජ්‍ය අමාත්‍ය තාරක බාලසූරිය සමඟ එක්ව මෙම නව්‍ය ඩිජිටල් පසු විපරම් යාන්ත්‍රණය 2023 අගෝස්තු 28 වන දින ආරම්භ කර ඇත. ශ්‍රී ලංකාව සහ විදේශ රටවල් අතර අත්සන් කරන ලද මෙම ගිවිසුම්, ගිවිසුම් සහ අවබෝධතා ගිවිසුම්වලට අදාළව දැඩි පසු විපරම්, තත්‍ය කාලීන අධීක්ෂණය සහ පුළුල් කාර්ය සාධන ඇගයීම සහතික කිරීම මෙහි අරමුණයි.
මෙම ක්‍රියාවලිය පිළිබඳ පසු විපරම් කිරීම සඳහා කේන්ද්‍රස්ථාන ලෙස රේඛීය අමාත්‍යාංශ 27ක නම් කරන ලද ජ්‍යෙෂ්ඨ නිලධාරීන් මෙයට සහභාගී වී ඇත.