අස්වැසුම ප්‍රතිලාභී පවුල් ලක්ෂ 20ක් අතරින් පවුල් ලක්ෂ 15ක් සඳහා පියවරෙන් පියවර මුදල් ගෙවීම් ආරම්භ කර ඇති බව මුදල් රාජ්‍ය අමාත්‍ය ෂෙහාන් සේමසිංහ මහතා ප්‍රකාශ කරයි. පළමු අදියරේදී මුළු රු. බිලියන 4.395 ක මුදලක් ප්‍රතිලාභීන් 689,803 කගේ බැංකු ගිණුම් වෙත බැංකු මගින් සාර්ථකව මාරු කර ඇත.
සේමසිංහ ප්‍රකාශ කළේ දෙවන කාණ්ඩයේ මුදල් ප්‍රතිපාදන ලබන සතියේ සිට ක්‍රියාත්මක වන බවයි.
ඔහු මෙම තොරතුරු ප්‍රකාශ කළේ ජනාධිපති මාධ්‍ය මධ්‍යස්ථානයේ පැවති මාධ්‍ය හමුවකදීය
ලැයිස්තුගත ප්‍රතිලාභී පවුල් මිලියන 1.5 ක් සඳහා ආධාර කිරීම සඳහා රුපියල් බිලියන 15 ක් වෙන් කර ඇති අතර, ඔවුන්ගේ ආධාර සඳහා අවශ්‍ය මුදල් කඩිනමින් මුදා හරින බවරාජ්‍ය අමාත්‍යවරයා අවධාරණය කළේය. අරමුදල් සම්බන්ධ ගැටළු සතියේ දිනවල පෙරවරු 10 සිට රාත්‍රී 9:00 දක්වා ක්ෂණික ඇමතුම් අංකය 1924 වෙත යොමු කළ හැක. මීට අමතරව ආබාධිත පුද්ගලයින්, වැඩිහිටියන් සහ වකුගඩු රෝගීන් සඳහා දීමනා දැනටමත් ලබා දී ඇත.
වංචනික ක්‍රම මගින් අස්වැසුම ප්‍රතිලාභ ලබා ගන්නේ නම් එවැනි පුද්ගලයන්ට එරෙහිව නීතිමය ක්‍රියාමාර්ග ගන්නා බවත්, එම මුදල් ආපසු ලබාගැනීමේ යාන්ත්‍රණයක් ක්‍රියාත්මක වන බවත් අමාත්‍ය සේමසිංහ අවධාරණය කළේය.
ආණ්ඩුව පවරන ඇතැම් නඩු විභාගය අවසානයේ දී ඉල්ලා අස්කරගන්නට නීතිපතිවරයා පියවර ගන්නා බව මෑතක දී පැවැති ප්‍රවණතාව නමුත් අස්වැසුම ලබාගත් බව නිතිවිරොධී බව ඔප්පුකරන නඩු විභාගයක දී නඩුව ඉල්ලා අස්කරගන්නට නීතිපති ඉදිරිපත් නොවනු ඇතිබව මධ්‍යස්ථ විචාරකයෝ දක්වති.