තායිලන්තයේ විදේශ කටයුතු පිළිබඳ නිත්‍ය ලේකම් සරුන් චරොඑන්සුවන් මහතා ශ්‍රී ලංකාව සමඟ ආර්ථික සහයෝගීතාව ඉහළ නැංවීමට විශාල හැකියාවක් පවතින බව පැවසූ අතර කෘෂිකර්මය, බලශක්තිය, පතල් සහ ඛනිජ සහ තොරතුරු තාක්‍ෂණය වැනි නව ක්ෂේත්‍රවලට ආයෝජන පිවිසෙනු ඇතැයි විශ්වාසය පළ කරයි.
විදේශ අමාත්‍යාංශයේ ජ්‍යෙෂ්ඨ නිලධාරීන් සහ වෙළෙඳ හා ආයෝජන නියෝජිත පිරිසක් සමඟ අරලියගහ මන්දිරයේ දී අග්‍රාමාත්‍ය දිනේෂ් ගුණවර්ධන මහතා (28) හමුවූ අවස්ථාවේදී මෙම කරුණු හෙළි වූ අතර වසරක් වැනි කෙටි කාලයක් තුළ ශ්‍රී ලංකාව ආර්ථික අර්බුදයෙන් කැපී පෙනෙන ප්‍රකෘතියක් ලබා ඇති බව ඔහු පැවසීය.
විදේශ කටයුතු පිළිබඳ නිත්‍ය ලේකම්වරයා අග්‍රාමාත්‍යවරයා සමඟ ද්විපාර්ශ්වික සබඳතා, අඛණ්ඩ සහයෝගීතාව, වෙළඳාම සහ ආයෝජන, සංස්කෘතිය සහ සංචාරක කටයුතු පිළිබඳව සාකච්ඡා කළේය.
ශ්‍රී ලංකාව සහ තායිලන්තය අතර බෞද්ධ උරුමයන් අතර ශක්තිමත් සංස්කෘතික හා ආගමික බැඳීමක් පවතින බව මෙහි දී අග්‍රාමාත්‍යවරයා සිහිපත් කර ඇත.