ගල් අගුරු හා දැවිතෙල් මගින් කරන විදුලිය නිෂ්පාදනය සියයට 65 දක්වා ඉහළ ගොස් ඇති අතර ජල විදුලිය උත්පාදනය විශාල ලෙස පහත වැටී ඇති බව විදුලිබල මණ්ඩලය පවසයි.

පවතින වියළි කාලගුණික තත්ත්වය හේතුවෙන් ජල විදුලි උත්පාදන ධාරිතාව සියයට 15 ට අඩු මට්ටමක පවතින බව ලංකා විදුලිබල මණ්ඩලය පවසයි. ප්‍රධාන ජලාශවල ජල ධාරිතාව සීග්‍රයෙන් පහළ යමින් පවතින බව විදුලිබල මණ්ඩලය පවසයි. අගෝ 26 සවස් වන විට සමනලවැව ජලාශයේ ජල ධාරිතාව 1%ක් පමණක් වූ අතර වික්ටෝරියා සහ කාසල්රී යන ප්‍රදේශවලට පිළිවෙළින් 25%ක් සහ 21%ක ජල ධාරිතාවක් තිබුණි.

වියළි කාලගුණික තත්ත්වය තවදුරටත් පැවතියහොත් ඉදිරි සතිවලදී සියලුම ජලාශවලින් කරන නිෂ්පාදනය ගිගාවොට් පැය 300ක වියහැකි බව ඉංජිනේරුවන් විසින් දැනටමත් විදුලියබල කළමනාකාරීත්වයට දන්වා ඇත. දින කිහිපයක් ඇතුළත ජල පෝෂක ප්‍රදේශවලට වර්ෂාපතනයක් නොලැබුණහොත් ජලාශවල ජල මට්ටම සති 4කට පමණක් ප්‍රමාණවත් වන බව ද ඔවුන් දන්වා ඇත.