පොදු ප්‍රවාහනය සඳහා භාවිතා කරන බස් රථ සහ විශේෂ කාර්යයන් සඳහා අවශ්‍ය ට්‍රක් රථ ආනයනය සඳහා පනවා තිබූ සීමා ඉවත් කරමින් මුදල් අමාත්‍යාංශය (15) අතිවිශේෂ ගැසට් පත්‍රයක් නිකුත් කළේය
සීමා කර තිබූ කාලසීමාව තුළ ආනයනය කර රේගුව තුළ රඳවා ඇති වාහන නිදහස් කිරීමට ද අවසර ලබා දී ඇති බව අමාත්‍යාංශ නිලධාරීහු ප්‍රකාශ කළහ.
මුදල් රාජ්‍ය අමාත්‍ය රංජිත් සියඹලාපිටියට අනුව රේගු ප්‍රකාශ ලබා නොදුන් වාහන ආනයන අපනයන පාලක ජනරාල් වෙත වාර්තා කිරීමෙන් පසු CIF අගය මත 30% ක බද්දක් ගෙවා නිදහස් කළ හැකිය.
"බස් රථ ආනයනය කිරීමට ඉඩ දීම මගී ප්‍රවාහන පහසුකම් ශක්තිමත් කිරීමටත් සංචාරක කර්මාන්තය ප්‍රවර්ධනය කිරීමටත් හේතු වනු ඇත", ඔහු පැවසීය.