ආසාදනයක් හේතුවෙන් රිජ්වේ ආර්යා ළමා රෝහලේ දැඩි සත්කාර ඒකකයේ වකුගඩු සැත්කමක ප්‍රතිකාර ලබමින් සිටියදී තුන්හැවිරිදි පිරිමි දරුවෙකු මියයාමේ සිද්ධිය සම්බන්ධයෙන් පුළුල් පරීක්ෂණයක් පවත්වන ලෙස කොළඹ ප්‍රධාන මහේස්ත්‍රාත්අධිකරණය අද (02) බොරැල්ල පොලිසියට නියෝගයක් නිකුත් කර ඇත.
මියගිය පුද්ගලයාගේ ඇඳ ඇතිරිලි ප්‍රවේශ පත්‍ර ඇතුළු සියලුම වෛද්‍ය වාර්තා පරීක්‍ෂා කිරීමෙන් අනතුරුව සිද්ධිය සම්බන්ධයෙන්පුළුල් පරීක්ෂණයක් පවත්වන ලෙස කොළඹ අතිරේක මහේස්ත්‍රාත් රාජින්ද්‍රා ජයසූරිය පොලිසියට නියෝග කළාය.
කොටහේන ප්‍රදේශයේ පදිංචි මොහොමඩ් හම්දි නමැති බිළිඳා ද පසුගිය ජූලි 28 වැනිදා රිජ්වේ ආර්යා ළමා රෝහලේ ප්‍රතිකාරලබමින් සිටියදී මිය ගියේය.
බොරැල්ල පොලිසිය අධිකරණයට දන්වා සිටියේ අධිකරණ වෛද්‍ය නිලධාරී වාර්තාවට අනුව මෙම දරුවා උපත ලබා ඇත්තේ එක්වකුගඩුවක් පමණක් බවයි. දරුවාට උග්‍ර වකුගඩු රෝගය වැළඳී ඇති බව වෛද්‍යවරුන් විසින් හඳුනාගෙන ඇති අතර වම්වකුගඩුව ඉවත් කිරීමට නිර්දේශ කර ඇති බවයි වාර්තා වන්නේ. නමුත් සැත්කමේදී නිරෝගී දකුණු වකුගඩුව ද ඉවත් කළ බවපසුව වෛද්‍යවරුන් පැවසූ බව දරුවාගේ දෙමාපියන් ප්‍රකාශ කළා.