මහනුවර, කෑගල්ල, කුරුණෑගල, නුවරඑළිය සහ රත්නපුර යන දිස්ත්‍රික්ක සඳහා බල පැවැත්වෙන පරිදි අදියර 03 (රතු) මට්ටමේ නායයෑම් පිළිබඳව පූර්ව අනතුරු ඇඟවීම් නිකුත් කර ඇති බව ජාතික ගොඩනැගිලි පර්යේෂණ ආයතනය දැනුම් දෙයි.
ඒ අනුව මහනුවර දිස්ත්‍රික්කයේ උඩුනුවර ප්‍රාදේශීය ලේකම් කොට්ඨාශය සහ ඒ අවට ප්‍රදේශ සඳහා කෑගල්ල දිස්ත්‍රික්කයේ රඹුක්කන, කෑගල්ල, රුවන්වැල්ල, යටියන්තොට, බුලත්කොහුපිටිය, මාවනැල්ල යන ප්‍රාදේශීය ලේකම් කොට්ඨාශ සහ ඒ අවට ප්‍රදේශ සඳහා කුරුණෑගල දිස්ත්‍රික්කයයේ මල්ලවපිටිය ප්‍රාදේශීය ලේකම් කොට්ඨාශය සහ ඒ අවට ප්‍රදේශ සඳහා නුවරඑළිය දිස්ත්‍රික්කයේ අඹගමුව ප්‍රාදේශීය ලේකම් කොට්ඨාශය සහ ඒ අවට ප්‍රදේශ සඳහා සහ රත්නපුර දිස්ත්‍රික්කයේ කුරුවිට සහ කලවාන ප්‍රාදේශීය ලේකම් කොට්ඨාශ සහ ඒ අවට ප්‍රදේශ සඳහා මෙලෙස නායයාම් පූර්ව නිවේදන නිකුත් කර තිබේ.
මෙම ප්‍රදේශවල වර්ෂාව තවදුරටත් පවතී නම් නායයාම් අනතුරුවලින් වැළකීමට ජනතාවට ආරක්ෂිත ස්ථානයකට යොමු වන ලෙසත් එම ආයතනය තවදුරටත් දැනුම් දේ.