සිසු පවුල් සෞඛ්‍ය සේවා නිලධාරිනීන් දහසක් වෙනුවෙන් පුහුණු දීමනාව ලබාදීමට ප්‍රාථමික සෞඛ්‍ය සේවා පද්ධතිය සවිබල ගැන්වීමේ ලෝක බැංකු ව්‍යාපෘතියේ ප්‍රතිපාදන ලබාදීමට ව්‍යාපෘතිය ඉදිරිපත් වීමෙන් පසු එම පුහුණුව මේ මස 15 වනදා ඇරඹීමට සෞඛ්‍ය අමාත්‍යංශය කටයුතු සූදානම් කර ඇත.
දිවයින පුරා හෙද විදුහල් ආශ්‍රිතව ඇරඹෙන මෙම පුහුණුව වෙනුවෙන් මූලික කටයුතු මේ වන විටත් සිදුකරමින් පවතින බව ප්‍රාථමික සෞඛ්‍ය සේවා පද්ධතිය සවිබල ගැන්වීමේ ලෝක බැංකු ව්‍යාපෘති අධ්‍යක්ෂ, හිටපු සෞඛ්‍ය සේවා අධ්‍යක්ෂ ජනරාල්, වෛද්‍ය ජයසුන්දර බණ්ඩාර මහතා පවසයි.
මේ සම්බන්ධයෙන් වැඩි විස්තර “1907 සුව සවන” සෞඛ්‍ය අමාත්‍යංශයේ ක්ෂණික ඇමතුම් අංකය ඇමතීමෙන් ලබාගත හැක.