යුද හමුදාපතිවරයා පවසන පිරිදි කන්දකාඩු සහ සේනපුර කදවුරු දෙකක් යටතේ පවත්වාගෙන යන පිරිසෙන් රදවියන් 220කගේ හැරුණු විට අනෙක් සියලු දෙනාගේම පී සී ආර් පරීක්ෂණ සිදුකර අවසන්ව පෙරේදා වන විට ඒවායෙහි ප්‍රතිඵලද ලැබී තිබේ. කන්දකාඩු පුනුරුත්ථාපන මධ්‍යස්ථානයෙන් පළමු ආසාදිත පිරිස සොයා ගැනීමත් සමග ඔවුන් බැලීමට පැමිණි පිරිස සහ ස්ථාන කිහිපයක සංචාරය කළ අපදේශිකාව හේතුවෙන් රෝගය සමාජගත වීමේ අවස්ථාවක් පැවතියත්, ඔවුන් සියලුදෙනා සොයාගනිමින් නිරෝධායනය කිරීමට සෞඛ්‍ය සහ ආරක්ෂක අංශ කටයුතු කර ඇත.
ඇතමුන් මේ වන විට නිවෙස් වලද නිරෝධායනයට ලක්කර ඇත. ඊට අමතරව රාජාංගණයේ අවමංගල්‍යයකට සහභාගී වුණු උපදේශකයාත්, ඔහුගේ පවුලේ අය සහ ඉදිරිපස නිවසේ අය ඇතුළුව ආසාදිතයන් 12 දෙනෙකු මෙන්ම වැලිකන්දේ උපදේශකයෙකුගේ ආශ්‍රිතයන් දෙදෙනෙකුටද රෝගය වැළදී ඇති බවය මේ වන වාර්තා වී ඇත. රැදවියන් දැකබලාගැනීමට 116 දෙනෙකු සමාජයේ විවිධ ප්‍රදේශ වලින් පැමිණ ඇති අතර ඔවුන් සියලු දෙනාම මේ වන විට නිරෝධායනයට යොමු කර ඇත.
එමෙන්ම මැතිවරණය ආසන්න වීම හේතුවෙන් මැතිවරණ කටයුතු වලදී ශාරීරික දුරස්ථභාවය පවත්වාගනිමින් සෞඛ්‍ය උපදෙස් වලට අනූව කටයුතු කර ලෙස මෙහිදී සියලුම පාර්ශවයන්ගෙන් යුද හමුදාපතිවරයා ඉල්ලා සිටියි.
එමෙන්ම වැඩිදුර අදහස් දක්වමින් ඔහු කියා සිටියේ, මෙය හමුදාවක් තුළ සම්ප්‍රෙෂණය වීමක් නොව මෙය පුනුරුත්ථාපන කදවුරක් වන බැවින් එහි ත්‍රිවිධ හමුදාවම මෙන්ම පොලීසිය, සිවිල් කාර්ය මණ්ඩලය ආදීන් සියල්ලන්ම සිටින බැවින් ඔවුන් සියලුදෙනාම පාලනය කරගනිමින් කටයුතු කරන අතර, රෝගය සමාජය තුළ සම්ප්‍රෙෂණය වැළැක්වීමට සියලු පියවර ගැනීමටද සෞඛ්‍ය සහ ආරක්ෂක අංශ වලට හැකිවූ බවයි.