එම සිසුන් සියලු දෙනා මේ වන විට ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වෙත රැගෙන යමින් පවතින බවත්, යුධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වලින් 77 දෙනකු තම නිරෝධායන කටයුතු අවසන් ව PCR පරීක්ෂණ සිදු කිරීමෙන් අනතුරුව ඔවුන්ගේ නිවෙස් කරා මුදා හැරීමට කටයුතු කළ බවත් යුධ හමුදාපතිවරයා මෙහි දී සඳහන් කර සිටියේය.

මේ වන විට ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන මඟින් 4,526 කු තම නිරෝධායන අවසන්ව නිවෙස් කරා මුදා හැරීමට කටයුතු කර ඇත.

එමෙන්ම, නාවික හමුදාවේ වෛරසය අසාදිත වූ විරෝදාර රණවිරුවන් සමීපව ඇසුරු කළ පුද්ගලයින් සහ අනිකුත් පාර්ශ්ව සියලුදෙනා නිරෝධායන මධ්‍යස්ථාන වෙත රැගෙන ඒමට කටයුතු කර තිබෙන බවත් මෙහි දී යුධ හමුදාපතිවරයා අවධාරණය කර සිටියේය.