2019 සැප්තැම්බර් මස 23 දින පෙරවරුවේ සිට වලංගු වන පරිදි 2019 සැප්තැම්බර් 24 පෙරවරුව දක්වා මෙම නිවේදනය නිකුත් කර ඇත.

ඒ අනුව දිවයිනේ බොහෝ පළාත් වල වැසි හෝ ගිගුරුම් සහිත වැසි ඇති වන අතර දකුණු, සබරගමු, මධ්‍යම සහ බස්නාහිර පළාත්වල ඇතැම් ස්ථාන වලට මි.මී 150 ට වැඩි ඉතා තද වර්ෂාපතනයක් ඇති විය හැකි බව අවධාරණය කරන අතර, ඊට අමතර ව වයඹ, උතුර, ඌව සහ නැගෙනහිර පළාත්වල ඇතැම් ස්ථාන වලට මි.මී 75 ට වඩා වැඩි තරමක තද වර්ෂාපතනයන් ද ඇති විය හැකි බැවින් ගිගුරුම් සහිත වැසි ඇති වන විට එම ප්‍රදේශ වල තාවකාලික ව තද සුළං ඇති විය හැකි බවත්, අකුණු මඟින් සිදුවන අනතුරු අවම කරගැනීමට අවශ්‍ය ආරක්ෂාකාරී පියවර වල් ගන්නා ලෙසත් කාලගුණවිද්‍යා දෙපාර්තමේන්තුව ජනතාවට පවසා සිටී.