වියළි කාලගුණය හේතුවෙන් උතුරුමැද පළාතේ ජල සැපයුම සීමා සහිතව සිදුවන බවත් උතුරුමැද මෙන්ම උතුර සහ නැගෙනහිර යන පළාත්වලද වැසියන් ජලය හිගකමකට මුහුණදී සිටින බවත් වාර්තා වේ.  මේ හේතුවෙන් සාමාන්‍යයෙන් ළිං හෝ වෙනත් ස්වභාවික මූලාශ‍්‍රවලින් ජලය ලබාගන්නා පිරිස් වෙනුවෙන් බවුසර් මගින් ජලය සැපයීමටද ජාතික ජලසම්පාදන හා ජලාපවාහන මණ්ඩලය මේ දිනවල කටයුතු කරන බැවින් ජලය අරපිරිමැස්මෙන් භාවිත කිරීම රටට යහපතක් වනවා සේම ඔබේ බිල්පතද අඩුකර ගත හැකියි.