පැවති අර්බුද නිමා කරමින් ඊශ‍්‍රාලය සහ එක්සත් අරාබි එමීර් රාජ්‍ය ඓතිහාසික ගිවිසුමකට එළඹ තිබෙනවා. ඒ, රාජතාන්ත‍්‍රික සබඳතා සාමාන්‍ය අතට පත් කිරීමේ අරමුණින්.
ඊශ‍්‍රායලය සහ ගල්ෆ් අරාබි රටවල් අතර මෙතෙක් කිසිදු රාජත‍්‍රාන්ත‍්‍රික සබඳතාවක් කි‍්‍රයාත්මක වූයේ නැහැ. ඒ අනුව මෙම ගිවිසුම ඊශ‍්‍රායලය, අරාබි රටක් සමග ඉතිහාසයේ අත්සන් කළ තුන්වැනි ගිවිසුම වනවා.
මීට පෙර 1979 වසරේ ඊජිප්තුව සමගත්, 1994 වසරේ ජෝර්දානය සමගත් ඊශ‍්‍රායලය සාම ගිවිසුම්වලට අත්සන් තබා තිබෙනවා.
ඊශ‍්‍රාලය සහ එක්සත් අරාබි එමීර් රාජ්‍ය අතර මෙම නවතම ගිවිසුමට එළඹෙන්නේ අමෙරිකානු ජනාධිපති ඩොනල්ඞ් ට‍්‍රම්ප්ගේ මැදිහත්වීම විශේෂත්වයක්. මෙම ගිවිසුමේ ප‍්‍රතිඵලයක් ලෙස දැනට අත්පත් කරගෙන සිටින බටහිර ඉවුරේ විශාල භූමි ප‍්‍රදේශයක් සිය රටට ඇතුළත් කර ගැනිමේ සැලැස්ම අත්හිටුවීමට ඊශ‍්‍රායලය කටයුතු කර ඇති බවයි විදෙස් මාධ්‍ය වාර්තා කළේ