පුවත්

ප්‍රංශ නාවික හමුදාවට අයත් ලොරේන් කොළඹට.

ප්‍රංශ නාවික හමුදාවට අයත් ලොරේන් නෞකාව සංචාරයක් සඳහා අද (11)පෙරවරුවේ කොළඹ වරායට සේන්දු විය. නාවික සම්ප්‍රදායානුකූලව ශ්‍රී ලංකා නාවික හමුදාව විසින් නෞකාව පිළිගන්නා ලදී.

මීටර් 142.20 ක් දිග මෙම නෞකාව කාර්ය මණ්ඩල සාමාජිකයින් 154 දෙනෙකුගෙන් සමන්විත ගුවන් ආරක්ෂක බහුකාර්ය නෞකාවක් වන අතර, කපිතාන් Xavier Baggot එහි අණදෙන නිලධාරිවරයාය. නෞකාවේ අණදෙන නිලධාරීවරයා අද බටහිර නාවික විධාන මූලස්ථානයේදී බටහිර නාවික විධානය භාර ආඥාපති රියර් අද්මිරාල් සුරේෂ් ද සිල්වා මහතා හමුවිය. ඔවුන් ශ්‍රී ලංකාවේ රැඳී සිටින කාලය තුළ නෞකාවේ කාර්ය මණ්ඩල සාමාජිකයින් දිවයිනේ සංචාරක ආකර්ෂණ ස්ථාන කිහිපයක් නැරඹීමට අපේක්ෂා කෙරේ.

ලොරේන් ජූලි මස 15 වන දින දිවයිනෙන් පිටත්ව යාමට නියමිත අතර, පිටත්ව යන විට ගමන් අභ්‍යාසයක් පවත්වනු ඇත.

Posted On Tuesday, 11 July 2023 10:03

නව පුවත්

විනේ ක්වාත්‍රා පැමිණ අරුණි හමුවෙයි.

ඉන්දීය විදේශ ලේකම් විනේ ක්වාත්‍රා මහතා කොළඹට පැමිණී අතර විදේශ ලේකම් අරුණි විජේවර්ධන මහත්මිය අද (11) උදෑසන ශ්‍රී ලංකා විදේශ කටයුතු අමාත්‍යාංශයේදී හමුවිය.

ක්වාත්‍රා දෙදින නිල සංචාරයක් සඳහා ඊයේ රාත්‍රියේ කොළඹට පැමිණි අතර, ඔහු ජනාධිපති රනිල් වික්‍රමසිංහ මහතාගේ ඉදිරි නවදිල්ලි සංචාරයට අදාළව කටයුතු කිරීමට බලාපොරොත්තු වේ.

Posted On Tuesday, 11 July 2023 09:59

නව පුවත්

සමාන වාරික වශයෙන් ගෙවීමට වසර දහයක කාලයක් ඉල්ලා සිටී.

හිටපු ජනාධිපති මෛත්‍රීපාල සිරිසේන මහතා ශ්‍රේෂ්ඨාධිකරණය හමුවේ මෝසමක් මගින් පාස්කු ඉරිදා ප්‍රහාරයෙන් විපතට පත් වූවන්ට ගෙවීමට නියම කළ රුපියල් මිලියන 85 ක වන්දිය සමාන වාරික 10 කින් ගෙවීමට තවත් කල් ඉල්ලා ඇත.

හිටපු ජනාධිපති සිරිසේන මහතා වෙනුවෙන් ඉදිරිපත් කළ මෝසමේ සඳහන් වූයේ 2022 ජනවාරි 12 වැනි දින ශ්‍රේෂ්ඨාධිකරණය විසින් ලබා දුන් තීන්දුවට අනුව තමන් මේ වන විටත් මිලියන 15 ක් වන්දි ගෙවීමේ කාර්යාලයට රුපියල් මිලියන 100ක මුළු මුදල ගෙවා ඇති අතර ඉතිරි රුපියල් මිලියන 85 ක මුදල සමාන වාරික 10 කින් රු. 2024 ජුනි 30 සිට 2033 ජූනි 30 දක්වා ගෙවන බවයි.

Posted On Tuesday, 11 July 2023 09:50