අල්ලස් ලබාගැනීමේදී බොරැල්ල වනාතමුල්ල කොට්ඨාසයේ ග්රාම නිලධාරිණිය සහ තවත් පුද්ගලයෙකු අත්අඩංගුවට ගෙන තිබෙනවා.
ඒ, අල්ලස් හෝ දූෂණ චෝදනා විමර්ශන කොමිෂන් සභාව විසින්. පදිංචිය සනාථ කෙරෙන සහතිකයක් ලබාගැනීමට රුපියල් ලක්ෂයක මුදලක් ලබා ගැනීමේදී අදාළ සැකකාර ග්රාම නිලධාරිණිය අත්අඩංගුවට ගෙන ඇත්තේ ඇයගේ කාර්යාලයේදීයි.
මෙලෙස අත්අඩංගුවට ගැණුනු ඇය වයස අවුරුදු 58 ක් වූ පිළියන්දල, කිරිවත්තුඩුව ප‍්‍රදේශයේ පදිංචිකාරිණියක්. සැකකාර පුද්ගලයා අල්ලස් ලබාගැනීමේ සිද්ධියේ තැරැව්කරු වන අතර ඔහු බොරැල්ල ප‍්‍රදේශයේ පදිංචිකරුවෙක්.
මෙම ග්රාම නිලධාරිණිය මීට පෙරද මෙවැනි අයථා අයුරින් මුදල් ලබාගැනීම් සිදුකර ඇති බවයි පරීක්‍ෂණවලදී අනාවරණ වී ඇත්තේ. සැකකරුවන් දෙදෙනා අලූත්කඬේ අධිකරණය වෙත ඉදිරිපත් කිරීමට නියමිතයි.
