උමාඔය බහුකාර්ය සංවර්ධන ව්‍යාපෘතියේ වත්මන් තත්ත්වය පිළිබඳව විමසා බැලීම සඳහා විශේෂ රැස්වීමක් මහවැලි, කෘෂිකර්ම, වාරිමාර්ග හා ග්‍රාමීය සංවර්ධන අමාත්‍ය චමල් රාජපක්ෂ මහතාගේ ප්‍රධානත්වයෙන් බණ්ඩාරවෙල ප්‍රාදේශීය ලේකම් කාර්යාලයේ දී (15)දින පැවැත්විණි.
කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා අමාත්‍යංශයට අයත් ආයතනවලට අදාළ පැමිණිලි සම්බන්ධයෙන් විමර්ශනය සදහා විශේෂ විමර්ශන ඒකකයක් ස්ථාපිත කෙරේ.
අපොස සා.පෙළ, අපොස උ.පෙළ සහ 5 වසර ශිෂ්‍යත්ව විභාගය සඳහා මේ වසරේ සිට මාර්ගගත online ක්‍රමයට අයදුම්පත් කැඳවීම සඳහා අවශ්‍ය කටයුතු සංවිධානය කරන බව විභාග දෙපාර්තමේන්තුව සඳහන් කරයි.
පිළිකාව වැළඳීමේ ඉඩකඩ අඩු කිරීමට සෞඛ්‍ය අංශයට පමණක් තනිව සිදු කළ යුතු දෙයක් නොවන අතර ඒ සඳහා ප්‍රතිපත්තිමය වශයෙන් රටක් බොහෝ දේ සිදු කළ යුතු බවත් සෞඛ්‍ය අමාත්‍යංශයේ ජාතික පිළිකා මර්ධන වැඩසටහනේ අධ්‍යක්‍ෂිකා විශේෂඥ වෛද්‍ය පාලිත කරුණාපේම මහතා අවධාරණය කර සිටියි.
නව කොරෝනා වෛරසය අසාදිතයකු අලුතින් ශ්‍රී ලංකාවේ දී හමු වී ඇති බව සමහර මාධ්‍ය විසින් ගෙන යන ප්‍රචාර පදනම් විරහිත බව සෞඛ්‍ය අමාත්‍යංශයේ ප්‍රධාන වසංගත රෝග විශේෂඥ වෛද්‍ය සුදත් සමරවීර මහතා පවසයි.