බැංකු මඟින් ලබා දෙන පෞද්ගලික රහස්‍ය තොරතුරු කිසිසේත්ම බාහිර පාර්ශ්වයන් වෙත ලබා දීමෙන් වළකින ලෙසත්, අන්තර්ජාලය ඔස්සේ ණය පහසුකම් ලබා දෙන බවට විවිධ වංචනික පුද්ගලයින් විසින් නිවේදනය කොට ඇති නිවේදන වලට නොරැවටී රජයේ නිල තොරතුරු රජයේ නිල වෙබ් අඩවි ඔස්සේ හෝ රජයේ නිල විද්‍යුත් තැපෑල මඟින් හෝ විමසීම් සිදු කොට පසුවිපරම් කිරීමෙන් පමණක් කටයුතු කරන ලෙසත් පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී ජාලිය සේනාරත්න මහතා ඊයේ (27) විශේෂ මාධ්‍ය සාකච්ඡාවක දී කියා සිටියේය.
රුපියල් 50 ක රජයේ සහතික මිල යටතේ මෙවර යල කන්නයේ වී අස්වනු මිලදී ගැනීම සඳහා මහා භාණ්ඩාගාරයෙන් රුපියල් මිලියන 10,400 ක මූල්‍ය පහසුකම් ලබාදේ.
මැතිවරණය වෙනුවෙන් රැස්වීම් පැවැත්වීම අගෝස්තු 02 දා රාත්‍රී 12න් අවසන් බව බවත්, එදින රාත්‍රී 10 සිට ප්‍රචාරක යන්ත්‍ර භාවිත කිරීම තහනම් බවත් මැතිවරණ කොමිසම අවධාරණය කරයි.
මහ මැතිවරණය සඳහා ඡන්දය සළකුණු කිරීමට තිබෙන ඡන්දපොළ සියයට සියයක්ම සෞඛ්‍ය ආරක්ෂිත බවත් එ සම්බන්ධයෙන් ඡන්ද දායකයන් කිසිඳු ආකාරයක බියක් ඇතිකර නොගත යුතු බවත්, මැතිවරණ කොමිසමේ සභාපති මහින්ද දේශප්‍රිය මහතා පවසයි.
නීතිවිරෝධී මත්ද්‍රව්‍ය හා සංවිධානාත්මක අපරාධ සම්බන්ධයෙන් තොරතුරු ලබාදීමට විශේෂ දුරකථන අංක දෙකක් පොලිස් මූලස්ථානය විසින් හඳුන්වා දී ඇතැයි අද (27) පැවති මාධ්‍ය හමුවකදී පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා පැවසීය.