ඉන්ධන හිඟය හේතුවෙන් තවදුරටත් පෞද්ගලික පොදු ප්‍රවාහන සේවාවලට බාධා මතුව ඇති බව වාර්තා වේ.

හෙක්ටයාර දෙකට අඩු කුඩා ඉඩම්වල වී වගා කරන ගොවීන්ගේ ගොවි ණය සම්පූර්ණයෙන්ම කපා හරින බව අගමැති රනිල් වික්‍රමසිංහ මහතා පාර්ලිමේන්තුවේදී ඊයේ (07) පැවසීය.

එම තීරණය වහාම ක්‍රියාත්මක කරන බව ද පාර්ලිමේන්තුවේදී විශේෂ ප්‍රකාශයක් කරමින් අගමැතිවරයා සඳහන් කළේය.

කුඩා ඉඩම්වල වී වගා කරන ගොවි පවුල් අතිදුෂ්කර තත්ත්වයට පත්ව සිටිනා හෙයින් එම තීරණයට එළැඹි බව වික්‍රමසිංහ මහතා කියා සිටියේය.

සීමාවක් නැතිව රාජ්‍ය සේවය සඳහා බඳවා ගැනීම හේතුවෙන් කාර්යක්ෂමතාව සහ ඵලදායිතාව පහළ තලයකට පත්ව ඇති බව පැවසූ අගමැතිවරයා එම නිසා රාජ්‍ය සේවය පූර්ණ ප්‍රතිසංවිධානයකට හා ප්‍රතිසංස්කරණයකට භාජන කළ යුතු බව ද පැවසීය.  පුරවැසියකුට සිය ජීවිත කාලය පුරා කඩිනම් හා කාර්යක්ෂම සේවාවන් කරදරයකින් තොරව ලබා ගැනීමට හැකි රාජ්‍ය සේවාවක් නිර්මාණය කිරීම මෙහි අරමුණ බව අගමැතිවරයා ප්‍රකාශ කළේය.

අපට අවශ්‍ය දූෂණයෙන් හා වංචාවෙන් තොර රටක් ගොඩනැංවීමට බවත් එය අනිවාර්යයෙන්ම විය යුත්තක් බවත් හොරකමින් තොර සමාජයක්, හොරුන්ට ඉඩක් නැති රටක්, හොරුන්ට දඬුවම් දිය හැකි ශක්තිමත් නීතිරීති ඇති පාලනයක් ඇති කරන බවත් ඒ මහතා කියා සිටියේය.

ස්වර්ණභූමි මහවැලි ආදි ඔප්පු මඟින් ජනතාවට පවරා ඇති රජයේ ඉඩම් අයිතිය සින්නක්කරවම දෙන බව පැවසූ අගමැතිවරයා නගරාසන්න තට්ටු නිවාස ගණනාවක කුලී පදනම මත ජීවත් වන පවුල් සඳහා සහනදායි පදනමක් යටතේ නිවාසවල අයිතිය පදිංචිකරුවන්ට දෙන බව ද කීවේය.

චීනය ඉදි කරන තට්ටු නිවාස ජනතා අයිතියට පත් කරන බවත් තමා කලින් අගමැති ධුරයේ කටයුතු කරන අවස්ථාවේ චීන මහජන සමූහාණ්ඩුවෙන් කළ ඉල්ලීමක් අනුව තට්ටු නිවාස 1888ක් ඔවුන් ත්‍යාගයක් ලෙස පිරිනමා තිබෙන අතර මේ නිවාස අතුරින් නිවාස එකසියඅටක් කලාකරුවන්ට වෙන් කර ඇති අතර මේ සියලු නිවාස කිසිදු දේශපාලන බලපෑමකින් තොරව සුදුස්සන්ට නොමිලේ දීම තම බලාපොරොත්තු වන බවත් අගමැතිවරයා කියා සිටියේය.

 මහ බැංකු අධිපතිවරයා ලෙස හිටපු මහ බැංකු අධිපති අජිත් නිවාඩ් කබ්රාල් මහතා 2014 වසරේ කටයුතු කරමින් සිටියදී සිදුවූ බව කියන මුල්‍ය අක්‍රමිකතා සම්බන්ධයෙන් ගොනු කර තිබූ පෞද්ගලික පැමිණිල්ලක් සම්බන්ධයෙන් රුපියල් කෝටියක ශරීර ඇප මත මුදා හැරීමට කොළඹ කොටුව මහේස්ත්‍රාත් තිළිණ ගමගේ තිළිණ ගමගේ ජුනි 06 (ඊයේ ) නියෝග කළා.  ඇප මත මුදා හැරුණා. තිනියාවල පාලිත හිමි. කොළඹ කොටුව මහේස්ත්‍රාත් අධිකරණය විසින්  පූජ්‍ය තිනියාවල පාලිත හිමිපාණන් විසින් ගොනු කරන ලද පෞද්ගලික පැමිණිල්ලකට අනුව හිටපු මහ බැංකු අධිපති කබ්රාල් මහතා අධිකරණය හමුවේ පෙනී සිටියේය. අපරාධ නඩු විධාන සංග්‍රහ පනතේ 136(1)(අ) වගන්තිය යටතේ ඔහු රටින් පිටවීම වළක්වමින් අධිකරණය මීට පෙර නියෝගයක් නිකුත් කර තිබුණි. 

2014 වසරේ අජිත් නිවාඩ් කබ්රාල් මහ බැංකු අධිපතිවරයා ලෙස කටයුතු කරන විට ශ්‍රී ලංකා රජය ඇමෙරිකානු ව්‍යාපාරිකයෙකුට මහ බැංකුව හරහා ඩොලර් මිලියන 6.5ක් ගෙවා ඇති බවට පෙත්සම්කරු චෝදනා කළේය.

ආණ්ඩුක්‍රම ව්‍යවස්ථාවේ 150 වැනි වගන්තිය උල්ලංඝනය කරමින් පාර්ලිමේන්තුවේ සහ අමාත්‍ය මණ්ඩලයේ පූර්ව අනුමැතියකින් තොරව හිටපු මහ බැංකු අධිපති අජිත් නිවාඩ් කබ්රාල් ඇමෙරිකානු ඩොලර් මිලියන 6.5ක මුදලක් ගෙවා ඇති බව පෙත්සම්කරු සඳහන් කළේය

පාස්කු ඉරිදා ත්‍රස්ත ප්‍රහාරයසම්බන්ධයෙන් ගොනු කර ඇතිමූලික අයිතිවාසිකම් පෙත්සම්දොළහකට අදාළව කොළඹඅගරදගුරු අතිඋතුම් මැල්කම්කාදිනල් රංජිත් හිමිපාණන්ශ්‍රේෂ්ඨාධිකරණයට කරුණුදක්වයි.

කොච්චිකඩේ සහ කටුවාපිටියදේවස්ථානවලට එල්ල වූප්‍රහාරවලින් පුද්ගලයින් කිහිපදෙනෙකු ජීවිතක්ෂයට සහ තුවාලලබා ඇති ප්‍රහාරයෙන් අගතියටපත් පාර්ශවය ලෙස තමසේවාදායකයා හඳුනාගත හැකිබව අගරදගුරු හිමිපාණන්වෙනුවෙන් පෙනී සිටි ජනාධිපතිනීතීඥ ෂම්මිල් පෙරේරා ප්‍රකාශකළේය. අප්‍රේල් 4 වැනි දිනලැබුණු බුද්ධි වාර්තා ජනාධිපතිනීතීඥ පෙරේරා මහතා සඳහන්කළ අතර, ලැබුණු වාර්තාපිළිබඳව කිසිදු බලධාරීයෙකුතම සේවාදායකයාට හෝකතෝලික පල්ලියට දැනුම් දීනොමැති බව ප්‍රකාශ කළේය. තොරතුරු ලබා දුන්නේ නම්, මෙම අවාසනාවන්ත සිදුවීම්වළක්වා ගත හැකිව තිබුණි.

මෙම පෙත්සම් වැඩිදුර කරුණුදැක්වීම සඳහා අද ‍ජූනි 7 කැඳවීමට නියමිතයි.

හිටපු ජනාධිපති මෛත්‍රීපාලසිරිසේන මහතා එවැනිතනතුරක් දරන්නේ නැති බැවින්මින් ඉදිරියට වගඋත්තරකරුවන්දෙදෙනෙකු වෙනුවෙන් පෙනීනොසිටින බව නීතිපතිවරයා මීටපෙර අවස්ථාවකශ්‍රේෂ්ඨාධිකරණයට දන්වාතිබුණි.

හිටපු ජනාධිපති මෛත්‍රීපාලසිරිසේන සහ අග්‍රාමාත්‍ය රනිල්වික්‍රමසිංහ, හිටපු පොලිස්පතිපූජිත් ජයසුන්දර සහ හිටපුආරක්ෂක ලේකම් හේමසිරිප්‍රනාන්දු යන මහත්වරුන්ටඑරෙහිව ආණ්ඩුක්‍රමව්‍යවස්ථාවේ 12(1) වගන්තියයටතේ ඉදිරියට යාමට අවසරදීමට ශ්‍රේෂ්ඨාධිකරණය 2019 ඔක්තෝම්බර් 2 වැනිදා තීරණයකළේය.