මධ්‍යම පරිසර අධිකාරිය විසින් වාර්ෂිකව සංවිධානය කරන ජාතික මට්ටමේ ප්‍රධාන වැඩසටහනක් වන ජනාධිපති පරිසර සම්මාන 2019 වැඩසටහන සඳහා අයදුම්පත් කැඳවීමේ දිනය 2019 ජුනි මස 14 දින දක්වා දීර්ඝ කර තිබෙන බව මධ්‍යම පරිසර අධිකාරිය පවසයි.
කිසිදු අඩුපාඩුවක් නොමැතිව වෙසක් උත්සවය පැවැත්වීමට අවශ්‍ය කටයුතු යොදා ඇති බව කතානායක කරූ ජයසූරිය මහතා පවසයි.
රට තුළ නීතිය හා සාමය කඩවන ආකාරයේ කටයුතු නොකරන ලෙස ජනතාවගෙන් නාවික හමුදාපති වයිස් අද්මිරාල් පියල් ද සිල්වා මහතා ඉල්ලා සිටියි.
ඇසේ සුද ඉවත් කිරීමේ සැත්කම් සාමාන්‍ය රාජකාරී වේලාවෙන් පසුව ද රෝහල් තුළ දී සිදු කිරීමට අක්ෂි ශල්‍ය විශේෂඥ වෛද්‍යවරුන්ගේ සංගමය සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාට ඒකඟත්වය පළ කර ඇත.
වයඹ පළාතේ තවදුරටත් මෙවැනි සිදුවීම් සිදු නොවන තැනට වගබලාගැනීම සඳහාත් සිදුවීම් විමර්ශනය කිරීම සඳහාත් එම ප්‍රදේශවල සිටින පොලිස් නිලධාරීන්ට අමතරව තවත් පොලිස් විශේෂ කණ්ඩායම් කීපයක් ම පොලිස් මූලස්ථානය විසින් එම ප්‍රදේශවලට යොමු කර තිබෙන බව පොලිස් මාධ්‍ය ප්‍රකාශක,පොලිස් අධිකාරි රුවන් ගුණසේකර මහතා පවසයි.