Editor
සාර්ක් කලාපීය ආයෝජන සමුළුව අද
සාර්ක් කලාපීය ආයෝජන සමුළුව අද (06) කොළඹ දී පැවැත්වීමට නියමිතය. කොළඹ, හිල්ටන් හෝටලයේ දී පැවැත්වෙන සමුළුවට ප්‍රධාන ආරාධිත අමුත්තා ලෙස අග්‍රාමාත්‍ය රනිල් වික්‍රමසිංහ මහතා එක්වීමට නියමිතය.
කාලගුණ තත්ත්වය පිළිබඳ විමසිලිමත් වන්න - ආපදා කළමනාකරණ මධ්‍යස්ථානය
පවතින වැසි සහිත කාලගුණ තත්ත්වය හේතුවෙන් ඇතිවිය හැකි ආපදා තත්ත්වයන් පිළිබඳ විමසිල්ලෙන් පසුවන ලෙස ආපදා කළමනාකරණ මධ්‍යස්ථානය ජනතාවගෙන් ඉල්ලීමක් කරයි.
රේගු දෙපාර්තමේන්තුවේ විභාගයක් ලබන 10 දා
ශ්‍රී ලංකා රේගු දෙපාර්තමේන්තුවේ II වැනි ශ්‍රේණියේ සහකාර රේගු අධිකාරී තනතුරුවලට බඳවා ගැනීම සඳහා වන විවෘත තරඟ විභාගය - 2017 විභාගය ලබන 10 වැනි දා කොළඹ පිහිටි විභාග මධ්‍යස්ථාන 48 ක දී පැවැත්වීමට කටයුතු කර ඇති බව විභාග කොමසාරිස් ජනරාල් ඩබ්ලිව්.එම්.එන්.ජේ.පුෂ්පකාර මහතා සඳහන් කරයි.
තෙවැනි පාසල් වාරය ඇරඹේ
2017 අධ්‍යයන වර්ෂයට අදාළ තෙවැනි පාසල් වාරය අද (06) න් ආරම්භ විය. ඒ අනුව අධ්‍යාපන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීම සඳහා යොදා නොගන්නා පාසල් 05ක් හැර අනෙකුත් පාසල් මෙලෙස ආරම්භ කරයි.
සැප්තැම්බර් 06 දක්වා සූර්යා සෘජුව ඉහළින් - කාලගුණවිද්‍යා දෙපාර්තමේන්තුව
ඉදිරි දින කිහිපයේදී විශේෂයෙන් සැප්තැම්බර් මස 01 දින සිට 02 වෙනි දින දක්වා දිවයිනේ (විශේෂයෙන් උතුරු, උතුරු-මැද, නැගෙනහිර, ඌව සහ දකුණ පළාත්වල) වැසි තත්වයේ වැඩිවීමක් අපේක්ෂා කරන බව කාලගුණවිද්‍යා දෙපාර්තමේන්තුව අද (31) නිකුත් කළ නිවේදනයේ සඳහන් වෙයි.
හෙට සිට ගිගුරුම් වැසි ඇතිවිය හැකියි- කාලගුණවිද්‍යා දෙපාර්තමේන්තුව
අගෝස්තු මස 31 දින සිට සැප්තැම්බර් මස 02 වෙනි දින දක්වා දිවයිනේ බොහෝ පළාත් වල (විශේෂයෙන් ම උතුරු, උතුරු-මැද, නැගෙනහිර, ඌව සහ මධ්‍යම පළාත් වල) සවස් කාලයේ ගිගුරුම් සහිත වැසි ඇති වීමේ හැකියාව වැඩි වන බව කාලගුණවිද්‍යා දෙපාර්තමේන්තුව නිවේදනය කරයි.
බත්තරමුල්ලටත් බස් මංතීරු ක්රමය
මෙරට වැඩිම මාර්ග තදබදයක් තිබෙන මාළබේ සිට පිටකොටුව දක්වා වූ මාර්ගයේ පොල්දූව පාලමේ සිට බොරැල්ල දක්වා වූ කොටසේ බස් මංතීරු ක්රමය ඊයේ (29) උදෑසන 6.00 සිට 9.00 දක්වා ක්‍රියාත්මක කරනු ලබන බව ඇමති පාඨලී චම්පික සඳහන් කරයි. බොරැල්ල මරදාන මාර්ගය මේවන විට පිළසකර කරමින් පවතින අතර නොවැම්බර් මාසයේදී, බොරැල්ලේ සිට මරදාන දක්වා උදෑසන 6.00 සිට 9.00 වන තෙක් ස්ථාවර බස් මංතීරුවක් ආරම්භ කිරීමට කටයුතු කරන බවත් හෙතෙම පැවසීය.
අයදුම්පත් කැඳවා ඇති විභාග
ශ්‍රී ලංකා විදුලි සංදේශ නියාමන කොමිෂන් සභාව විසින් නිකුත් කරනු ලබන ආධුනික ගුවන් විදුලි ක්‍රියාකරවන්නන්ගේ ප්‍රවීණතා සහතිකය සඳහා වූ පරීක්ෂණය - 2017 සඳහා අයඳුම්පත් කැඳවීම ගැසට් කර ඇති බව ශ්‍රී ලංකා විභාග දෙපාර්තමේන්තුව සඳහන් කරයි. එම පරීක්ෂණයේ අයදුම්පත් භාර ගැනීම ලබන මස 08 වැනි දිනෙන් අවසන් වේ.
සැප්: 01 සහ 02 කෝට්ටේ ප්‍රදේශයේ රථවාහන ගමනාගමනය සීමා කෙරේ
මිරිහාන පොලිස් වසමේ කෝට්ටේ රජමහා විහාරස්ථානයේ ඇසළ පෙරහර මංගල්‍යයේ අවසන් දළඳා පෙරහර සැප්තැම්බර් 01දා සහ 02දා පස්වරු 7.30සිට වීථි සංචාරය කරන බැවින් එම ප්‍ර දේශයේ මාර්ග කිහිපයක රථවාහන ගමනාගමනය සීමා කෙරෙන බවත් එබැවින් විකල්ප මාර්ග භාවිත කරන ලෙසත් පොලිස් මූලස්ථානය මහජනතාවගෙන් ඉල්ලා සිටී.
අගෝස්තු 31සිට ගිගුරුම් සහිත වැසි
අගෝස්තු 31සිට සැප්තැම්බර් 02දා දක්වා උතුරු, උතුරු මැද සහ නැගෙනහිර පළාත්වලට සවස් කාලයේ දී ගිගුරුම් සහිත වැසි ඇතිවීමේ හැකියාව වැඩිවන බව කාලගුණ විද්‍යා දෙපාර්තමේන්තුව සඳහන් කරයි.