මහ මැතිවරණයට අදාළ නිල ඡන්ද දැන්වීම් පත්‍රිකා බෙදා හැරීම අද (27) වන විට 95% පමණ අවසන් වී පවතින බව තැපැල්පති රංජිත් ආරියරත්න මහතා රජයේ නිල පුවත් වෙබ් අඩවිය වෙත පැවසීය.
මහ මැතිවරණය ඡන්ද ගණන් කිරීම අගෝස්තු 06 වන දින උදැසන 07 ට ආරම්භ කරන අතර පළමු නිල ඡන්ද ප්‍රතිඵලය එදින සවස තේ පානයට පෙර ලබා දීමට හැකි වනු ඇති බව මැතිවරණ කොමිසමේ සභාපති මහින්ද දේශප්‍රිය මහතා කියා සිටී.
කොරෝනා ආසාදිතයින් ප්‍රතිකාර ලබන රෝහල්වල ආරක්ෂාව තර කිරීමට යුද හමුදාව සහ පොලීසිය එක්ව විශේෂ වැඩපිළිවෙලක් ආරම්භ කර ඇතැයි පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී ජාලිය සේනාරත්න මහතා කියා සිටියේ ය
මහ මැතිවරණය තුළදී කොරෝනා වෛරසය පැතිරීම වැළැක්වීම සඳහා සෞඛ්‍ය ක්ෂේත්‍රෙය් සෞඛ්‍ය වෛද්‍ය නිලධාරීන්, මහජන සෞඛ්‍ය පරීක්ෂකවරුන්, පවුල් සෞඛ්‍ය නිලධාරීන් හා හෙඳ නිලධාරීන් යොදා ගැනීමටත් ඔවුන්ගේ අධීක්ෂණය යටතේ ඡන්දපොළ සෞඛ්‍යාරක්ෂිතව පවත්වාගෙන යාමටත්, ප්‍රාදේශීය ලේකම් කාර්යාලවල විධායක නිලධාරීන්ගේ අධීක්ෂණය යටතේ ඡන්දපොළ විශබීජ හරණය කිරීමටත් කටයුතු යොදා ඇති බව මැතිවරණ කොමිසමේ සභාපති මහින්ද දේශප්‍රිය මහතා පැවසීය.
ඡන්දය පැවැත්වීමේදී සෞඛ්‍ය ක්‍රියාමාර්ග බලාත්මක කරමින් ඡන්ද මධ්‍යස්ථානවල කොරෝනා ව්‍යාප්තිය සිදු නොවන ආකාරයෙන් ඡන්දය පවත්වන ආකාරය සම්බන්ධයෙන් සාකච්ඡා කිරීම සඳහා සාකච්ඡාවක් දින(23) දින මැතිවරණ කොමිසන් සභා කාර්යාලයේදී මැතිවරණ කොමිසමේ සභාපති මහින්ද දේශප්‍රිය මහතාගේ ප්‍රධානත්වයෙන් පැවැත්විණි.