නිරිතදිග බෙංගාල බොක්ක ප්‍රදේශයේ පවතින පීඩන අවපාතය දෙසැම්බර් මස 13 දින පෙ.ව. 05.30 වන විට උතුරු අක්ෂාංශ 6.5 සහ නැගෙනහිර දේශාංශ 88.7 ආසන්නයේ ත්‍රිකුණාමලය සිට ආසන්න වශයෙන් කි.මී. 850 ක් පමණ නැගෙණහිරට බරව ගිනිකොන දෙසින් ස්ථානගතව පැවැති බව කාලගුණවිද්‍යා දෙපාර්තමේන්තුව පවසයි.
ජාතික හැඳුම්පතට ඇතුළත් කිරීම සඳහා ඡායාරූප ලබා ගැනීමේ දී ජාත්‍යන්තර සිවිල් ගුවන් සේවා සංවිධානයේ (International Civil Aviation Organazation)ප්‍රමිතියට අනුකූලව ලබා ගැනීමේ ක්‍රමවේදයක් හඳුන්වා දීමට පුද්ගලයින් ලියාපදිංචි කිරීමේ දෙපාර්තමේන්තුව විසින් කටයුතු කර ඇත.
ත්‍රිපිටකය ජාතික උරුමයක් ලෙස නිලවශයෙන් ප්‍රකාශයට පත් කිරීමට රජය තීරණය කොට ඇත. ඒ පිළිබඳ රාජ්‍ය උත්සවය 2019 ජනවාරි මස පස් වැනි (05) දින පෙරවරු 9.00 ට මාතලේ අළුවිහාරයේ දී මහනාහිමිවරුන් ඇතුළු මහා සංඝ රත්නයේ සහභාගිත්වයෙන් හා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වෙයි.
සීඝ්‍රයෙන් අපේ රටේ වැඩිහිටි ජනගහණය වර්ධනය වන බවත් වසර 2030 වන විට සෑම පුරවැසියන් 05 දෙනෙකුගෙන් එක් අයෙක් වයස අවුරුදු 60ට වඩා වැඩි අයෙකු වන බවත් සෞඛ්‍ය අමාත්‍යංශයේ වයෝවෘද්ධ හා ආබාධිත අයගේ සෞඛ්‍ය රැකවරණය ලබා දීමේ ජාතික වැඩසටහනේ කළමණාකාරිනී, වෛද්‍ය ශිරෝමි මඩුවගේ මහත්මිය පවසයි.