ශ්‍රී ලාංකික සිසුන් ට චීන රජයෙන් ශිෂ්‍යත්ව
චීන රජය මගින් මෙරට සිසු සිසුවියන්ට පිරිනමන ශිෂ්‍යත්ව වැඩසටහන අකණ්ඩව ඉදිරියට ගෙනයමින් මෙම වසරේ ශ්‍රී ලාංකික සිසුන් 18 දෙනෙකුට ශිෂ්‍යත්ව පිරිනමා තිබෙනවා .
මෙරට චීන තානාපති කාර්යාලයට ලැබුණු අයදුම්පත් විශාල සංඛ්‍යාවකින් තෝරාගත් සිසු සිසුවියන් 18 දෙනෙකුට මෙසේ ශිෂ්‍යත්ව ප්‍රධානය කිරීම පසුගිය 02නිදා චීන තානාපති කාර්යාලයේදී
තානාපති යී ක්ෂීයෑන්ග්ලියෑන්ග් මහතාගේ ප්‍රධානත්වයෙන් සිදු කෙරුනා.
ඒ අනුව එම ශිෂ්‍යත්ව හිමි සිසු සිසුවියන්ට චීනයේ නේවාසිකව අධ්‍යාපනය ලැබීමට අවස්ථාව හිමිවෙනවා
මෙම අවස්ථාවට උසස් අධ්‍යාපන අමාත්‍යංශයේ අතිරේක ලේඛම් මාධව දේවසුරේන්ද්‍ර මහතාද එක්වී සිටියා.
චීනයේ ඉගනීමට අවස්ථාවක් ලබා ගැනීමට මෙරට සිසු සිසුවියන් බොහෝ උනන්දු බවත් ඉදිරියේදී මීට වඩා වැඩි ශිෂ්‍යත්ව ප්‍රමාණයක් පිරිනැමීමට බලාපොරොත්තුවන අතර
ශ්‍රී ලංකාවේ සමාජ හා ආර්ථික සංවර්ධනය සඳහා චීනය විශාල සහයෝගයක් ලබා දී ඇති බවත්
වසර දෙදහසකට වඩා පැරණි චීන ශ්‍රී ලංකා මුතුදම තවදුරටත් ශක්තිමත් කිරීමට මෙවැනි වැඩසටහන් තවදුරටත් ක්‍රියාත්මක කරන බවත් චීන තානාපති කාර්යාලය කියා සිටියා.
උසස් පෙළ පිළිතුරු පත්‍ර ඇගයීම් සඳහා වැසෙන පාසල්
අ.පො.ස. උසස් පෙළ විභාගයේ පිළිතුරු පත්‍ර ඇගයීමේ පළමු අදියර සැප්තැම්බර් 07 වැනි දින සිට 20 වැනි දින දක්වා පවැත්වෙන අතර එම කාලය තුළ සම්පූර්ණයෙන් පාසල් 5ක් වසා තැබෙන අතර පාසල් 22ක කොටසක් වසා තැබෙන බව විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා සඳහන් කරයි.
අද සිට තෙදින ඩෙංගු මදූරු මර්දන වැඩසටහනක්
කඩින් කඩ ඇති වන වැසි තත්ත්වය හේතුවෙන් ඩෙංගු මදූරු ඝණත්වය යළි වැඩිවිය හැකි බැවින් අද (03) සහ 04,05 යන තෙදින දීප ව්‍යාප්ත මදූරු මර්දන වැඩසටහනක දියත් කරන ලෙස සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න මහතා ජාතික ඩෙංගු මදූරු මර්දන ඒකකයට දැනුම් දී ඇත.
බස්නාහිර කෘෂිකාර්මික ප්‍රදර්ශනය අද සිට
බස්නාහිර පළාත් කෘෂිකර්ම හා ඉඩම් අමාත්‍යාංශය මගින් පවත්වනු ලබන ගම්පහ දිස්ත්‍රික් කෘෂිකාර්මික ප්‍රදර්ශනය අද (03) හෙට( 04) සහ 05 යම සෑම දිනයකදීම පෙරවරු 9 සිට පස්වරු 5 දක්වා නිට්ටඹුව ගොවිජන සේවා පරිශ්‍රෙය්දී පැවැත්වේ.
පළමු රන්දෝලි පෙරහැර අද
මහනුවර ඓතිහාසික ශ්‍රී දළදා පෙරහැරේ පළමු රන්දෝලි පෙරහැර අද (03) වීදි සංචාරය කිරීමට නියමිතව තිබේ. ඒ අනුව අදින් ආරම්භ වන ප්‍රථම රන්දෝලි පෙරහර අගෝස්තු 7දා දක්වා පැවැත්වෙන අතර 08දා පැවැත්වෙන දහවල් පෙරහරින් ඇසල පෙරහර මංගල්‍ය නිමාවට පත් වේ.