දසත
 

ගවයින් 5,800 ක් සහ නාවිකයින් 43 දෙනෙකු සමග අතුරුදහන්වූ නෞකාවක් සොයා බලධාරීන් විමර්ශන ආරම්භ කොට තිබෙනවා. ඒ මෙම නෞකාව ඉකුත් අගෝස්තු මස 17 වෙනිදා නවසිලන්තයේ නේපීයර් වරායේ සිට චීනයේ ටැන්ගාෂන් වරාය බලා යාත්‍රා කරමින් තිබියදීය.

මෙම නෞකාවේ කාර්ය මණ්ඩලයට අයත් නාවිකයෙකු පැසිෆික් මුහුදේ පාවෙමින් සිටියදී ජපාන වෙරළාරක්ෂක බලකායේ යාත්‍රාවක් මගින් ඊයේ දිනයේදී බේරා ගෙන තිබෙනවා.

පසුගිය දිනවල චීනයට නැගෙනහිරින් පිහිටි මුහුදු කලාපයේ ඇතිවූ "Maysak සුළි කුණාටුවට" මෙම නෞකාව හසුවන්නට ඇති බවට සැක කෙරෙන අතර ඊයේ දිනයේදී එම නෞකාවෙන් උපකාර ඉල්ලා සංඥා ලැබුණු බවට බලධාරීන් තහවුරු කර ඇති බවයි විදෙස් මාධ්‍ය වාර්තා කර සිටින්නේ.
Gulf Livestock 1 නම් මෙම නෞකාව අඩි 438ක් දිගින් යුක්ත වන අතර එහි පිලිපීන ජාතිකයින් 39ක්, නවසීලන්ත ජාතිකයින් දෙදෙනෙක් සහ ඕස්ට්‍රේලියානු ජාතිකයින් දෙදෙනෙකු සේවයේ නියුතුව සිට තිබෙනවා.

මේ අතර නවසීලන්තයේ අයිතීන් වෙනුවෙන් ක්‍රියා කරන සංවිධාන මෙම සිදුවීම සම්බන්ධයෙන් දැඩි ලෙස ප්‍රතිචාර දක්වා තිබෙනවා.

"මේ සතුන් කිසිදාක මුහුදේ යාත්‍රා කරලා පුරුද්දක් නැහැ. අනිත් අතින් බොහෝ එළ දෙනුන් ගැබ්බරවී සිටින්නට ඇතැයි කියා අප විශ්වාස කරනවා. අතුරුදහන් වූ නෞකා කාර්ය මණ්ඩලය සහ ඔවුන්ගේ පවුල්වල සාමාජිකයින්ට අපේ බලවත් ශෝකය පළකර සිටිනවා. මේ අයුරින් සතුන් ප්‍රවාහනය නතර කිරිමට පියවර ගන්න අවශ්‍යයි".

අතුරුදහන් වූ මෙම නෞකාව සහ එහි සේවකයින් සොයා මේ වන විට අදාළ මුහුදු කළාපය තුල බලධාරීන් සෝදිසි මෙහෙයුම් දියත් කර තිබෙන අතර එම මුහුදු කලාපයේ ඇතිවෙමින් පවතින තවත් සුළි කුණාටුවක් හේතුවෙන් මෙහෙයුම් වලට බාධා එල්ල වනු ඇති බව විදෙස් මාධ්‍ය වැඩිදුරටත් වාර්තා පළකර සිටිනවා.

ඉදිරියේ දී පැවැත්වීමට නියමිත ලංකා ප්‍රිමියර් ලීග් ක්‍රිකට් තරගාවලිය සදහා වෙනත් ලීග් තරගාවලියන් ක්‍රීඩා කරන කණ්ඩායම් කිහිපයක් ද එක් වීමට නියමිත බව විදෙස් මාධ්‍ය වාර්තා කරනවා.

ඒ අනුව පාකිස්තාන සුපර් ලීග්, ඉන්දීය ප්‍රිමියර් ලීග්, කැරිබියන් ප්‍රිමියර් ලීග් සහ කැනඩා ගෝලීය 20යි 20 ලීග් යන තරගාවලියන් ක්‍රීඩා කරන කණ්ඩායම් ඊට එක් වනු ඇති බවටයි වාර්තා වන්නේ.

පාකිස්තාන සුපර් ලීග් තරගාවලියේ ශූරතාවය දිනා ගත් කණ්ඩායමක් තරගාවලියට එක් වීමට මේ වන විටත් කැමැත්ත පල කර ඇති බව සදහන්.

මේ සම්බන්ධයෙන් වැඩිදුර තොරතුරු ඉදිරියේ දී ප්‍රකාශයට පත් කරනු ඇති.

මෙවර එල්.පී.එල් හෙවත් ලංකා ප්‍රිමියර් ලීග් තරගාවලිය නොවැම්බර් 15 වනදා සිට දෙසැම්බර් 10 වනදා දක්වා පැවැත්වීමටයි මේ වන විට සැලසුම් සකස් කර ඇත්තේ.

මීට පෙර අදාළ තරගාවලිය අගෝස්තු 28 වනදා ආරම්භ කිරීමට නියමිතව තිබුණ ද කොරෝනා වසංගතයත් සමග පවතින සියලු තත්ත්වයන් සලකා බලා පසුව එය කල් දැමුණා.

 

කොරෝනා ගෝලීය වසංගතයත් සමග නතර කෙරුණු ඇතැම් පාසල් ක්‍රීඩා ආරම්භ කිරීමට සෞඛ්‍ය හා ක්‍රීඩා යන අමාත්‍යංශ එකගතාවයට පැමිණ තිබෙනවා.

තරුණ හා ක්‍රීඩා අමාත්‍ය නාමල් රාජපක්ෂ සහ සෞඛ්‍ය අමාත්‍ය පවිත්‍රා වන්නිආරච්චි ඇතුළු සෞඛ්‍ය බලධාරීන් සමඟ අද (26) සෞඛ්‍ය අමාත්‍යංශයේ පැවති සාකච්ඡකදී මෙම එකගතාවයට පැමිණ තිබෙනවා.

මෙම සාකච්ඡාවට ක්‍රීඩා හා සෞඛ්‍ය යන අමාත්‍යංශ දෙකේම ඉහළ නිළධාරින් සහභාගි වු අතර දැඩි සෞඛ්‍ය මාර්ගෝපදේශ හා සෞඛ්‍ය අංශ අධීක්ෂණය යටතේ ඇතැම් පාසල් ක්‍රීඩා පැවැත්වීමට අමාත්‍යංශ දෙකම එකගවු බවයි මෙම සාකච්ඡාවෙන් පසු තරුණ හා ක්‍රීඩා අමාත්‍ය නාමල් රාජපක්ෂ පැවසුවේ.

අමාත්‍යවරයා වැඩිදුරටත් ප්‍රකාශ කළේ පවතින වාතාවරණය මත පැවැත්විය හැකි ක්‍රීඩා ගණනාවක් හදුනාගෙන ඇති නමුත් ඒ පිළිබද අවසන් තීරණය සෞඛ්‍ය බලධාරීන්ගේ උපදෙස් මත ගන්නා බවයි. කෙසේවෙතත් හැකි ඉක්මණින් පාසල් ක්‍රීඩා ආරම්භ කිරීමට හැකිවෙතැයි නව ක්‍රීඩා අමාත්‍යවරයා මෙම සාකච්ඡාවෙන් අනතුරුව විශ්වාසය පළ කළා.

ආජන්ටිනාවේ පාපන්දු තරුවක් වන ලයනල් මෙසී බාසිලෝනා වෙත ලිපියක් යවමින් තමාට කණ්ඩායමෙන් ඉවත් වීමට අවශ්‍ය බව දැනුම් දී ඇති බව ඔහුට  සමීප ආරංචි මාර්ගයක් CNN  වෙත තහවුරු කර තිබේ.

ඔහු 2020 Champions League තරඟාවලියේදී Bayern Munich කණ්ඩායමට එරෙහිව තරඟ වැදී 8 - 2 ක් වශයෙන් දරුණු පරාජයක් ලැබීමෙන් පසු මෙවැනි තීරණයකට එළඹී ඇතිබව theguardian වාර්තා කරනු ලැබුවා.

 තවමත් ලෝකයේ හොදම ක්‍රීඩකයාගේ ලයිස්තුවේ පෙරමුණේ සිටින ඔහු මෙසේ බාසිලෝනා කණ්ඩායමෙන් ඉවත්වීම ඔවුන්ටද විශාල පාඩුවක් විය හැකිය.

2017 ජූලි මාසයේදී බාසිලෝනා කණ්ඩායම සහ මෙසී අතර කොන්ත්‍රාත් ගිවිසුම 2021 ජුනි 30 දක්වා දීර්ඝ කරන බව නිවේදනය කළ අතර සතියකට ඩොලර් ඩොලර් 645,000 ක් ඔහු වෙනුවෙන් ගෙවන බව  වාර්තා වේ. 33 හැවිරිදි මෙසී 2004 දී බාසිලෝනා වෙනුවෙන් ලීග් තරගාවලියට පිවිසියේය.

 

Barcelona කණ්ඩායම වෙනුවෙන් ගෝල 669* (634+35) වාර්තා කර, Barcelona කණ්ඩායම වෙනුවෙන් වැඩිම ගෝල සංඛයාවක් වාර්තා කල මෙසී ගැන මීට පෙරද මෙවැනි ආරන්චි පැතිරී ගියද එය එසෙ නොවීය. Manchester City වර්තමාන පුහුනුකරු (හිටපු Barcelona පුහුනුකරු) Pep Guardiola Lionel Messi සමග දුරකතන සංවාදයකද යේ දී තිබෙන බව මාධ්ය වාර්තා කර සිටියි. Lionel Messi Manchester City කණ්ඩායම සමඟ එක් වීමට වැඩි සම්භාවිතාවක් තිබුනද, Inter Milan, Manchester United, PSG වැනි ක්රීඩා සමාජයන්ද ‍‍Lionel Messi තම කණ්ඩායමට එක් කරගැනීමට කැමැත්තක් දක්වන බවද වාර්තා වෙනවා....

2004 සිට Lionel Messi විසින් Barcelona කණ්ඩායම සමග බොහෝ ජයග්රහනයන් ලබාගෙන තිබෙනවා....
?4X CHAMPIONS LEAGUE WINNER
?10X SPANISH CHAMPION
?6X SPANISH CUP WINNER
?8X SPANISH SUPER CUP WINNER
?3X FIFA CLUB WORLD CUP WINNER
?3X UEFA SUPERCUP WINNER

?6X THE BEST FIFA MEN'S PLAYER
?6X WINNER BALLON D'OR
?2X UEFA BEST PLAYER IN EUROPE
19X TOP SCORER (UCL,LALIGA,Copa dR,..)
10X PLAYER OF THE YEAR

 

අමෙරිකාවේ දින 14ක් තුලදී ළමුන් 74,000 කට නව කොරෝනා වෛරසය ආසාදනය වී ඇති බව හෙළිවී තිබෙනවා. මේ දක්වා එරට සිටින දරුවන් 443,000 කට නව කොරෝනා වෛරසය ආසාදනය වී ඇති බවයි හෙළිව ඇත්තේ.

අමෙරිකානු ළමා රෝග පිළිබඳ ඇකඩමියේ සහ ළමා රෝහල් සංගමය විසින් නිකුත් කළ නවතම නිවේදනය අනුව හෙළිව ඇත්තේ අගෝස්තු මස 06 වෙනිදා සිට 20 වෙනිදා අතර කාල සීමාවේදී මෙලෙස ළමුන් 74,160කට වෛරසය ආසාදනය වී ඇති බවයි.

අගෝස්තු මස 06 වෙනිදා නිකුත් කළ වාර්තාවට අනුව කොරෝනා වෛරසය ආසාදනය වූ දරුවන් සංඛ්‍යාව 358,469ක් වූ බවත් අගෝස්තු 20 වෙනිදා නිකුත් වූ නවතම වාර්තාව අනුව එය 432,629ක් දක්වා ඉහළ ගොස් ඇත.

නවතම වාර්තාව අනුව පෙන්වා දී ඇත්තේ ඉකුත් සති දෙකක කාලය තුලදී අමෙරිකාවේ දරුවන්ට නව කොරෝනා වෛරසය ආසාදනය වීමේ ප්‍රතිශතය සීයයට 21කින් ඉහළ ගොස් තිබෙන බවයි.

 


ඇමරිකානු ඩොලර් බිලියන 2 කට අධික පීඑන්බී බැංකු වංචා නඩුවේ ප්‍රධාන චූදිත නිරව් මෝඩිගේ බිරිඳ අමී මෝඩිට එරෙහිව මුදල් විශුද්ධිකරණය කිරීමේ චෝදනාව මත ඉන්ටර්පෝල් ගෝලීය අත්අඩංගුවට ගැනීමේ වරෙන්තුවක් නිකුත් කර ඇති බව බලධාරීහු අඟහරුවාදා ප්‍රකාශ කළහ. බලාත්මක කිරීමේ අධ්‍යක්ෂ කාර්යාලයේ ඉල්ලීම පරිදි ගෝලීය පොලිස් මණ්ඩලය විසින් රතු දැන්වීමක් නිකුත් කර ඇති බව ඔවුහු පැවසූහ.
ඇය තම කලු සල්ලි යොදවා , නිව්යෝර්ක් නගරයේ ඩොලර් මිලියන 30 ක් වටිනා නිවාස දෙකක් මිලට ගෙන ඇත.

අමි මෝඩි 2018 දී බැංකු වංචා නඩුව හෙළිදරව් වූ වහාම රට හැර ගිය බව ප්‍රකාශ වේ.පලාගිය පුද්ගලයෙකුට එරෙහිව එවැනි දැනුම් දීමක් කළ පසු, ඔිනෑම රටකට ඔහු හෝ ඇය පිටුවහල් කිරීම හෝ පිටුවහල් කිරීමේ කටයුතු ආරම්භ කළ හැක. ඉන්ටර්පෝල් එහි සාමාජික රටවල් 192 න් එය ඉල්ලා සිටී.
ඇගේ ස්වාමිපුරුෂයා නිරව් මෝඩි මේ වන විට එක්සත් රාජධානියේ බන්ධනාගාරයක රඳවා සිටින අතර ඔහු 2019 මාර්තු මාසයේදී ලන්ඩනයේදී අත්අඩංගුවට ගෙන ඉන්දියාවට පිටුවහල් කිරීමෙි කාර්යයේ බ්‍රිතාන්‍ය නිරත වෙයි.ඔහු මේ වසර මුලදී මුම්බායි අධිකරණයක් විසින් පලාගිය ආර්ථික වැරදිකරුවෙකු ලෙස ප්‍රකාශයට පත් කර ඇති අතර ඔහුගේ වත්කම් රාජසන්තක කිරීමට අධිකරණය නියෝග කර තිබේ.
දැනටමත් ඉන්දියාව ඔහු සම්බන්ධිත දේපළවලින් රුපියල් කෝටි 329 ක් රාජසන්තක කර ඇත.
නිරවි මෝඩි නැමති මොහු කවුද ?
ගුජරාටි පවුලක උපත ලැබූ මෝඩි ෆයර්ස්ටාර් ඩයමන්ඩ් ආරම්භ කළ අතර දිල්ලි, මුම්බායි, නිව් යෝර්ක්, ලන්ඩන්, හොංකොං සහ මැකාවු ඇතුළු ලෝකයේ ඉහළ නගරවල සිය ශාඛා විවෘත කල ප්‍රකෝටිපතියෙකි.. 2015 දී නිව්යෝර්ක් හි මැඩිසන් මාවතේ ඔහුගේ පළමු වෙළඳසැල විවෘත කිරීම සඳහා ඩොනල්ඩ් ට්‍රම්ප් සහභාගී වූ බව ෆෝචූන් ඉන්දියා වාර්තා කරයි. ෆෝබ්ස් බිලියනපතියන්ගේ ලැයිස්තුව 2017 හි ලාබාලම ඉන්දියානුවෙකු ලෙස සනිටුහන් කර තිබිනි.
ඔහුගේ පවුල ඉන්දියාවේ සිටියදී, ප්‍රකෝටිපති ව්‍යාපාරිකයා හැදී වැඩුණේ ජාත්‍යන්තර පිරිපහදු කළ දියමන්ති වෙළඳාමේ මධ්‍යස්ථානය ලෙස හැඳින්වෙන බෙල්ජියමේ ය. පසුව ඔහු තම මාමා යටතේ දියමන්ති වෙළඳාම පිළිබඳ පුහුණුව සඳහා ඉන්දියාවට ගියේය. වසර ගණනාවකට පසු ඔහු නිරව් මෝඩි ස්වර්ණාභරණ සන්නාමය ආරම්භ කළ අතර බොලිවුඩ් නිළි ප්‍රියංකා චොප්රා ද නිරව් මෝඩි සන්නාමයේ ගෝලීය තානාපති ධුරයට පත්විය.
නිරව් මෝඩි විසින් ප්‍රවර්ධනය කරන ලද මුම්බායි ආයතනික ශාඛාවක රුපියල් කෝටි 11,000 ක් වටිනා වංචනික ගනුදෙනු අනාවරණය වී ඇති බව පන්ජාබ් ජාතික බැංකුව (පීඑන්බී) 2016 දී අනාවරණය කළේය.
පීඑන්බී පැමිණිල්ලකට අනුව රුපියල් කෝටි 280 ක වංචා නඩුවක් සම්බන්ධයෙන් මෝඩි, ඔහුගේ බිරිඳ අමි මෝඩි, සහෝදර නිෂාල් මෝඩි සහ ඔහුගේ මාමා වන මෙහුල් චොක්සි යන සියලුම දෙනාට ජනවාරි 29 වනදා සීබීඅයි නඩු පවරා තිබේ. කෙසේ වෙතත්, මෝඩිගේ සමාගම් විසින් සිදු කරන ලද “අනවසර ගනුදෙනු” වල වටිනාකම ඩොලර් මිලියන 1,771.7 ක් බව දැනගත් විට, සීබීඅයි වෙත තවත් පැමිණිල්ලක් ගොනු කළේය.

රටේ රාජාණ්ඩුව විවේචනය කරන කණ්ඩායමක් අවහිර කිරීමට තායි රජය බල කිරීමත් සමඟ ෆේස්බුක් ආයතනය   ක්‍රියාමාර්ග ගැනීමට සැලසුම් කරමින් සිටී.

ෆේස්බුක් සමාජ මාධ්‍ය සමාගම කියා සිටියේ තායිලන්තයේ පරිශීලකයින් රාජකීය කණ්ඩායම් විවේචනය කිරීමට  පිවිසීම වැළැක්වීමට තායි රජය විසින් බල කර ඇති බවයි -  ඒ අනුව අදාළ කණ්ඩායමට ප්‍රවේශ වීමට උත්සාහ කළ පරිශීලකයින්ට සඳුදා රාත්‍රියේ සුවිශේෂී පණිවිඩයක් ලැබුණි: “ඩිජිටල් ආර්ථික හා සමාජ අමාත්‍යාංශයේ නීතිමය ඉල්ලීමකට අනුව තායිලන්තය තුළ කණ්ඩායමට ප්‍රවේශ වීම සීමා කර ඇත.” යනුවෙනි. සාමාජිකයින් මිලියනයක් සිටින කණ්ඩායමක (facebook Grup) තායි රාජකීය පවුල පිළිබඳ ලිපි ඇතුළත් වේ. මෙම කණ්ඩායම අන්තර්ජාතික ලෙස අවහිර කරන ලෙස හා ඉවත්කරන ලෙස රජය ඉල්ලා ඇත.ෆේස්බුක් පසුව කියා සිටියේ රජයේ මෙම අන්තර්ගතය නීති විරෝධී යැයි සැලකූ බවයි.

“මෙවැනි ඉල්ලීම් දැඩි, ජාත්‍යන්තර මානව හිමිකම් නීතියට පටහැනි වන අතර මිනිසුන්ගේ අදහස් ප්‍රකාශ කිරීමේ හැකියාව කෙරෙහි දැඩි බලපෑමක් ඇති කරයි” යනුවෙන් ෆේස්බුක් ප්‍රකාශකයෙක් විශේෂ ප්‍රකාශයක් නිකුත් කරමින් කියා සිටියේය. "අපි සියලු අන්තර්ජාල භාවිතා කරන්නන්ගේ අයිතිවාසිකම් ආරක්ෂා කිරීමට කිරීමට කටයුතු කරන අතර මෙම ඉල්ලීමට නීත්‍යානුකූලව අභියෝග කිරීමට සූදානම් වෙමු." යනුවෙන් ඔහු සඳහන් කර තිබේ.

රජය විසින් අදාළ ෆේස්බුක් කණ්ඩායම අවහිර කරන ලද පුවත මුලින්ම වාර්තා කළේ රොයිටර්ස් විසිනි.

ෆේස්බුක් (එෆ්බී) කියා සිටියේ තායිලන්තයේ ෆේස්බුක් නියෝජිතයින්ට එරෙහිව අපරාධ නඩු පැවරීමට රජය තර්ජනය කිරීමත් සමඟ රට තුළ යම් ආකාරයක දේශපාලන කතා සීමා කරන ලෙස තායි රජයෙන් බලපෑම් එල්ල වී ඇති බවයි.නමුත් "තායිලන්තයට තමන්ගේම නීති ඇති අතර සෑම රටකම නීතිවලට ගරු කළ යුතුය."

තායි නීතියට අනුව, රජු, රැජින, උරුමක්කාරයා හෝ සම්බන්දිතයින් යන අයට අපහාස කිරීමෙන් වසර 15 ක සිර ද දඩුවමක් නියම විය හැකිය. සාමාන්‍ය තායි පුරවැසියන්ට මෙන්ම රජයටද රජු වෙනුවෙන් චෝදනා ඉදිරිපත් කළ හැකි බැවින් නීතිය දේශපාලන මෙවලමක් ලෙස වැඩි වැඩියෙන් භාවිතා කර ඇත. එසේ තිබියදීත්, විරෝධතාකරුවන් දහස් ගණනක් මෑත දිනවලදී රටේ අගනුවර වන බැංකොක්හි වීදි බැස ඇත.

සෑම දෙනාගේම සත්‍යයේ බේරුම්කරුවා වන facebook, රටේ රාජාණ්ඩුව විවේචනය කරන කණ්ඩායමකට තායිලන්තයට පිවිසීම තහනම් කර ඇති බව ද ගාඩියන් පුවත්පත වාර්තා කරයි. තායි රජය විසින් නීතිමය ක්‍රියාමාර්ග ගන්නා බවට තර්ජනය කිරීමෙන් පසුව ෆේස්බුක් කණ්ඩායම අවහිර කළේය. 

රාජකීය වෙළඳපොල හෙවත්  Royalist Marketplace නම් මෙම කණ්ඩායම ආරම්භ කරනු ලැබුවේ ජපානයේ වෙසෙන තායි විරුද්ධවාදියෙකු වන පවින් චචවල්පොන්පන් විසිනි. පවින් රොයිටර් පුවත් සේවයට කියා සිටියේ ෆේස්බුක් “ප්‍රජාතන්ත්‍රවාදයට බාධා කිරීම සහ තායිලන්තයේ අධිකාරීවාදය වර්ධනය කිරීම සඳහා ඒකාධිපති පාලන තන්ත්‍රය සමඟ සහයෝගයෙන් කටයුතු කරන” බවයි.

කෙසේවෙතත් රටක අභ්‍යන්තර නීති හා ෆේස්බුක් නීති ගැටීම පෙන්නුම්කරන  මෙම සිදුවීම් පිලිබඳ  ජාත්‍යන්තර කතාබහක් නිර්මාණය වෙමින් තිබේ.

ක්‍රීඩා දියු­ණු­වට ඇමැ­තිට උප­දෙස් දෙනජාතික ක්‍රීඩා සභාවේ මුල් පුටුව මහේ­ලට
14කගෙන් යුත් කමි­ටුවේ සංග­ක්කාර හා යුද හමු­දා­පති සාමා­ජිකයන් ලෙස පත් වෙයි 

ශ්‍රී ලංකාවේ ක්‍රීඩා දියුණු කිරීම සංව­ර්ධ­නය හා එහි ප්‍රති­පත්ති, ක්‍රීඩා ප්‍රමි­තිය ඒ ආශ්‍රිත යටි­තල පහ­සු­කම් නගා සිටු­විය හැකි ආකා­රය පිළි­බඳ ඇමැ­ති­ව­ර­යාට උප­දෙස් දෙන ජාතික ක්‍රීඩා සභාවේ සභා­පති තන­තු­රට හිටපු ක්‍රිකට් නායක මහේල ජය­ව­ර්ධන මහතා පත් කරයි. එහි කමිටු සාමා­ජි­ක­යකු ලෙස හිටපු ක්‍රිකට් නායක කුමාර සංග­ක්කාර මහතා නම්කොට ඇති අතර යුද හමු­දා­පති මේජර් ජෙන­රාල් ශවේන්ද්‍ර සිල්වා මහ­තාද කමිටු සාමා­ජි­ක­යන් අතර වේ. ජාතික ක්‍රීඩා සභා­වට ඒ ඒ ක්‍රීඩාවලට අදාළ ප්‍රවී­ණ­යින් 14ක් නම්කොට ඇති අතර නිල වශ­යෙන්ම ක්‍රීඩා සංව­ර්ධන දෙපා­ර්ත­මේ­න්තුවේ අධ්‍යක්ෂ ජෙන­රාල් නීතිඥ අමල් එදි­රි­සිංහ මහතා පත්ව සිටී.

ජාතික ක්‍රීඩා සභාවේ අභි­නව සාමා­ජි­කයෝ ඊයේ සවස පත්වීම් ලබා එහි සමා­ර­ම්භක රැස්වී­මද පැවැ­ත්වූහ.

නව ක්‍රීඩා සභාව බහු­විධ අංශ­වල පළ­පු­රුදු වෘත්ති­ක­ය­න්ගෙන් සම­න්විත වන අතර, ඔවුහු සිය වෘත්තිය පුරා ශ්‍රී ලංකාවේ හා ජාත්‍ය­න්ත­රව ශක්ති­මත් ක්‍රීඩා සංස්කෘ­තිය නැවත ගොඩ­නැං­වීම හා පුන­ර්ජී­ව­නය කිරීම සඳහා අඛ­ණ්ඩව දායක වන්නෝ වෙති.

මෙතෙක් උප­දෙස් පම­ණක් සැපයූ ක්‍රීඩා සභා­වක් වෙනු­වට වඩාත් ශක්ති­මත් කාර්ය ශූර ශ්‍රී ලංකා­වට වඩාත් ඵල­දායී ප්‍රති­පල හා ජය­ග්‍ර­හ­ණ­යක් රැසක් අත්ක­ර­දීම උදෙසා ක්‍රියා­කාරී බල­තල සහිත ජාතික ක්‍රීඩා සභා­වක් ලෙස අභි­නවයෙන් පත් කළ ජාතික ක්‍රීඩා සභා­වට කට­යුතු කළ හැකි බව ක්‍රීඩා ඇමති නාමල් රාජ­පක්ෂ මහතා පැවැ­සීය.

මහේල ජය­ව­ර්ධන මහතා - (සභා­පති), කුමාර් සංග­ක්කාර මහතා - (සාමා­ජික), මේජර් ජෙන­රාල් ශවේන්ද්‍ර සිල්වා මහතා - (සාමා­ජික), රොවේනා සම­ර­සිංහ මිය - (සාමා­ජික), සංජීව වික්‍ර­ම­නා­යක මහතා - (සාමා­ජික), ජූලි­යන් බෝලිං මහතා - (සාමා­ජික), යශ්වන්ත් මුරු­ත්තෙ­ටු­ව­ගම මහතා - (සාමා­ජික), සුපුන් වීර­සිංහ මහතා - (සාමා­ජික), කස්තුරි විල්සන් මිය - (සාමා­ජික), රුවන් කෑර­ගල මහතා - (සාමා­ජික), රාජිත අම්පෙ­මො­හොට්ටි මහතා - (සාමා­ජික), රොහාන් ප්‍රනාන්දු මහතා - (සාමා­ජික), ඩිලන්ත මාල­ග­මුව මහතා - (සාමා­ජික), නීතිඥ අමල් එදි­රි­සිංහ මහතා - (සාමා­ජික)

ඉන්දුනීසියාවේ බණ්ඩා මුහුදේ මැග්නිටියුඩ් 6.9 ප්‍රබල භුචලනයක් සිදුවි තිබෙනවා. භූවිද්‍යා කාර්යාංශයේ පිහිටි සුනාමි පුර්ව අනතුරු ඇඟවීම් ඒකකය සඳහන් කළේ එම භූකම්පනය මෙරට වේලාවෙන් පෙරවරු 10.00 ට පමණ සිදුවු බවයි.

මෙම භූකම්පනයෙන් ශ්‍රී ලංකාවට කිසිදු හානියක් නොමැති බවයි එම ඒකකයේ ප්‍රකාශකයෙකු වැඩිදුරටත් සඳහන් කර සිටියේ.

ඉන්දුනීසියාවේ සුමාත්‍රා දුපත් ආසන්නයේ ද මිට දින දෙකකට පෙර රිච්ටර් මාපකයේ ඒකක 6.9ක ප්‍රබලත්වයෙන් යුත් භුකම්පනයක් සිදුවුවා.

2018 සිට ලබා ගත හැකි නවතම සංඛ්‍යාලේඛනවලින් ස්ත්‍රී දූෂණ චෝදනා 33,000 කට වඩා වාර්තා වී ඇති ඉන්දියාවේ  - දළ වශයෙන් දිනකට නඩු 91 ක්.විභාගවන පසුබිමක  උතුරු ඉන්දියාවේ 13 හැවිරිදි දැරියක් දූෂණය කර ඝාතනය  කිරීම රට තුළ මහජනයාගේ දැඩි විරෝධයට  හේතු වී තිබේ.

මෙම සිද්ධියට උත්තර් ප්‍රදේශ් ප්‍රාන්තයේ අදාළ දැරියගේ ගම්මානයේ පුද්ගලයින් දෙදෙනෙකු  සැකපිට අත්අඩංගුවට ගෙන තිබේ. පශ්චාත් මරණ පරීක්ෂණයෙන් පසු ස්ත්‍රී දූෂණ හා සමූහ දූෂණ පිළිබඳ අමතර චෝදනා එකතු කරමින් ඔවුන්ට නඩු පවරන ලදී.

මෙම දැරිය ඉන්දියාවේ හින්දු කුල ක්‍රමයේ පහලම උප කුලයක් වන  "untouchables" හෙවත් “දලිත් කුලය” පවුලක සාමාජිකාවක් වූ අතර සමාජ ක්‍රියාකාරීන් කියා සිටියේ මෙම අපරාධය ඔවුන්ගේ ප්‍රජාව තුළ භීතියේ වාතාවරණයක් පිළිබිඹු කරන බවයි.

ඉන්දියාවේ කුල ක්‍රමය 1950 දී නිල වශයෙන් අහෝසි කරන ලද නමුත් උපතින් මිනිසුන් මත පනවා ඇති අවුරුදු 2,000 ක් පැරණි සමාජ ධූරාවලිය තවමත් ජීවිතයේ බොහෝ අංශවල පවතී. කුල ක්‍රමය උපතේදී හින්දු භක්තිකයන් වර්ගීකරණය කරයි, සමාජයේ ඔවුන්ගේ ස්ථානය, ඔවුන්ට කළ හැකි රැකියා සහ විවාහ විය හැක්කේ කාටද යන්න නිර්වචනය කරයි.

අත්අඩංගුවට ගත් පුද්ගලයින් දෙදෙනාට එරෙහිව උපලේඛනගත කුල හා උපලේඛන (හිංසනය වැළැක්වීමේ) පනත යටතේ නඩු පවරා ඇති බව පොලිසිය පවසයි.

මෙම දැරිය සිකුරාදා දහවල් ලක්මිපූර් කේරි දිස්ත්‍රික්කයේ පාකරියා ගම්මානයේ තම නිවසින් පිටව ගොස් ඇත්තේ අවට වූ  කුඹුරකට වැසිකිලි යාම සඳහා බවත් ඉන් අනතුරුව මෙම සිදුවීමට මුහුණ දී ඇති බවත් පොලිසිය පවසයි.

ඇය ආපසු නොපැමිණි විට ඇගේ පවුලේ අය ඇයව සෙවීමට පටන් ගත් අතර ඇගේ සිරුර උක් කුඹුරක තිබී සොයා ගත් බව පොලිසිය   පැවසීය.

ස්ත්‍රී දූෂණයට විරෝධය දැක්වීමට ඉන්දියානුවන්  කැමතිය , නමුත් සටන ආරම්භ විය යුත්තේ නිවසේදීම ය

පශ්චාත් මරණ පරීක්ෂණයකදී දැරිය දූෂණය කර ගෙල සිරකර මියගොස් ඇති බව පොලිස් පරීක්ෂක කුමාර් පවසයි. සමහර ප්‍රාදේශීය මාධ්‍ය වාර්තාවල සඳහන් පරිදි ඇගේ සිරුර කිසිදු ආකාරයකින් විකෘති වී නොමැති බව ඔහු ප්‍රතික්ෂේප කළේය.

අග්‍රාමාත්‍ය නරේන්ද්‍ර මෝදිගේ භාරතීය ජනතා පක්ෂය යටතේ දලිතයන්ට එරෙහි හිංසනය “උපරිම මට්ටමක” පවතින බව දලිත් අයිතිවාසිකම් ක්‍රියාකාරිකයෙකු වන චන්ද්‍රසේකර් අසාද් පැවසීය.

"අපේ දියණියන් ආරක්ෂිත නැහැ, අපේ ගෙවල් ආරක්ෂිත නැහැ. අප වටා භීතියේ වාතාවරණයක් පවතිනවා" යැයි අසාද් ප්‍රකාශ කළේය.

දැරියගේ මරණය පිළිබඳ පුවත ඉන්දියාවේ නැවුම් මහජන කෝපයක් ඇති කළ අතර එය කාන්තාවන්ට එරෙහි ලිංගික හිංසනය පිළිබඳ පුළුල් ගැටලුව සමඟ පොරබදමින් සිටී.

ඉන්දියාවේ ජාතික අපරාධ වාර්තා කාර්යාංශයට අනුව, 2018 සිට ලබා ගත හැකි නවතම සංඛ්‍යාලේඛනවලින් ස්ත්‍රී දූෂණ චෝදනා 33,000 කට වඩා වාර්තා වී ඇත - දළ වශයෙන් දිනකට නඩු 91 ක්. නමුත් විශේෂ වාර්තා  පවසන්නේ ලිංගික අතවරයට ඇති ලැජ්ජාව සහ වින්දිතයින් මුහුණ දෙන සමාජ බාධක හේතුවෙන් සැබෑ සංඛ්‍යාව බොහෝ සෙයින් වැඩි බවයි.

ඉන්දියාවේ, ලිංගික අතවර අතීතයේ දී බලධාරීන් විසින් නීතිය බලාත්මක කිරීම කෙරෙහි සැලකිලිමත් වීමට වඩා සමාජ හා සංස්කෘතික ප්‍රශ්නයක් ලෙස සලකනු ලැබූ බව කාන්තා අයිතිවාසිකම් ක්‍රියාකාරීන් පවසන පරිදි, පවතින නීති කාන්තාවන් ආරක්ෂා කිරීමට අසමත් වී ඇත.

මීට පෙර ඉහළ පෙළේ ස්ත්‍රී දූෂණ සිද්ධීන් මෙන් නොව, දැරියගේ ඝාතනය  වීදි විරෝධතා දක්වා පැතිරී  නැත. ඉන්දියාව පුරා පැතිරී ඇති කෝවිඩ් -19 රෝගය හේතුවෙන් සියල්ල අකර්මන්‍ය වූ පසුබිමක මිලියන 2.6 කට අධික සංඛ්‍යාවක් කෝවිඩ් අසාදිතයින් ලෙස වාර්තා වී තිබේ.

CNN ඇසුරෙනි 

Page 3 of 9