පනාමුර කාවන්තිස්ස රජමහාවිහාරයේ පෙරහැර සඳහා රැගෙන ආ අලි ඇතුන් අසලට පැමිණි 12 හැවිරිදි කුඩා පිරිමි ළමයෙකුට අලියෙකු පහර දීමෙන් ජීවිතක්ෂයට පත්ව ඇත.
ඝාතනයට ලක්ව ඇත්තේ ඇඹිලිපිටිය ගල්අමුණ ප්‍රදේශයේ පදිංචිකරුවෙකි.
කාවන්තිස්ස රජමහා විහාරස්ථානයේ වාර්ෂික පෙරහැර සඳහා රැගෙන ආ අලි ඇතුන් හතර දෙනෙකු විහාරස්ථාන භූමියේ ගාල් කර තිබූ අතර, ඒ අවට ප්‍රදේශයේ කුඩා දරුවන් ඇතුළු පිරිසක් ද අලි ඇතුන් නැරඹීමට පැමිණ සිටියහ.
පිරිස අතර සිටි දරුවා වන අලි ප්‍රහාරයකට ලක්ව ඇති අතර, ඔහු රෝහලට ඇතුළත් කරන විටත් මියගොස් සිටි බව සඳහන්.