අගමැති නරේන්ද්‍ර මෝදි ඉන්දියාව දෙකඩ කිරීම සම්බන්ධයෙන් කොන්ග්‍රසයට දොස් පැවරූ අතර 1974 දී කච්චතිව් දූපත ශ්‍රී ලංකාවට ලබා දුන්නේ ඉන්දිරා ගාන්ධි රජය බව ද පැවසීය.
රාමේෂ්වරම් (ඉන්දියාව) සහ ශ්‍රී ලංකාව අතර පිහිටා ඇති මෙම දූපත සම්ප්‍රදායිකව ශ්‍රී ලාංකික සහ ඉන්දීය ධීවරයින් විසින් භාවිතා කරන ලදී. 1974 දී එවකට අගමැතිනි ඉන්දිරා ගාන්ධි "ඉන්දු-ශ්‍රී ලංකා සමුද්‍ර ගිවිසුම" යටතේ කච්චතිව් ශ්‍රී ලංකා භූමිය ලෙස පිළිගත්තේය.
"මේ අය දේශපාලනය සඳහා ඉන්දියාව කොටස් තුනකට බෙදුවා" යැයි විශ්වාසභංග යෝජනාවක් පිළිබඳ විවාදයට පිළිතුරු දෙමින් කොංග්‍රසයට දැඩි ප්‍රහාරයක් එල්ල කරමින් ලෝක් සභාවේදී අගමැතිවරයා පැවසීය. –(ඉන්දියන් එක්ස්ප්‍රස්)