හිටපු විදේශ කටයුතු අමාත්‍ය රෝහිත බෝගොල්ලාගම මහතා ලන්ඩන් මහ කොමසාරිස්වරයා ලෙස අගෝස්තු 1 වැනිදා සිටක්‍රියාත්මක වන පරිදි ජනාධිපති රනිල් වික්‍රමසිංහ මහතා විසින් පත් කර තිබේ.
බෝගොල්ලාගම මහතා එවකට ජනාධිපති මහින්ද රාජපක්ෂ මහතා යටතේ විදේශ කටයුතු අමාත්‍යවරයා ලෙස කටයුතු කළේය. නිකවැරටියෙන් එජාප මන්ත්‍රීවරයෙකු ලෙස පාර්ලිමේන්තුවට තේරී පත් වූ බෝගොල්ලාගම මහතා 2001 සිට 2003 දක්වාවික්‍රමසිංහ රජයේ කැබිනට් නොවන අමාත්‍යවරයෙකු ලෙස පත් කරන ලදී. පසුව ඔහු එවක ජනාධිපතිනි චන්ද්‍රිකා කුමාරතුංග යටතේ පැවති එක්සත් ජනතා නිදහස් සන්ධානයට ගියේය.
