2020.07.30

පාත්ෆයින්ඩර් පදනම ‘‘කොවිඞ්-19 වලක්වාලීම හා පාලනය’’ කෘතිය සිංහලට පරිවර්තනය කරයි
පාත්ෆයින්ඩර් පදනමට අනුබද්ධ චීන ශ‍්‍රී ලංකා සහයෝගීතා අධ්‍යයන මධ්‍යස්ථානයෙහි තවත් ප‍්‍රමුඛ පියවරක් වශයෙන් වසංගත රෝග සම්බන්ධ චීන මහාචාර්ය සහ ෂැංහයි හි කොවිඞ්-19 ප‍්‍රතිකාර අංශයේ විද්වත් මණ්ඩල ප‍්‍රධානී, වන් හොංග් ජන්ග් මහතා ඇතුළු මණ්ඩලයක් විසින් පළ කරන ලද ‘‘Prevention and Control of COVID 19’’ කෘතිය, සිංහල භාෂාවට පරිවර්තනය කර ඇත. එය ලක්ෂමන සපරමාදු මහතා ගේ පරිවර්තනයකි. චීන තානාපති කාර්යාලයේ දී අද පෙරවරුවේ මෙම කෘතිය නිල වශයෙන් නිකුත් කළ අතර
නිවස, එළිමහන, රාජකාරී ස්ථානය යනා දී වශයෙන් විවිධ තැන් වල දී රෝගය වලක්වා ගැනීම සම්බන්ධයෙන් අනුගමනය කළ හැකි ක‍්‍රම විස්තරාත්මකව, හා නිතර විමසන ප‍්‍රශ්න හා උත්තරානුසාරයෙන් මිත්‍යා සහ සැක සහිත තැන් අනාවරණය කර, පොදුවේ අවබෝධ කරගත හැකි පරිදි මෙම කෘතිය සකස් කර තිබේ. මෙය කියවන්නන් ගේ කුතුහලය සංසිදුවන අතර, දැනුම සම්පාදනය කර, කොවිඞ් -19 වසංගතයෙන් ගැලවෙන මග විද්‍යාත්මකව සහ ඉලක්කගතව තොරතුරු සම්පාදනය කර ඇත. ෂැංහයි කොවිඞ් -19 ප‍්‍රවීණ ප‍්‍රතිකාරක කණ්ඩායමෙහි ප‍්‍රධානියා වන මහාචාර්ය ජන්ග්, ෆුඩාන් විශ්ව විද්‍යාලයේ බෝ වන රෝග දෙපාර්තමේන්තුවේ අධ්‍යක්ෂකවරයා වන අතර චීන වෛද්‍ය සම්මානය මෙන්ම, ෂැංහයි විද්‍යා සහ තාක්ෂණ ප‍්‍රගති සම්මානය ලබා ඇති හෙතෙම 2003 වසරේ දී සාර්ස් රෝගීන්ට ප‍්‍රතිකාර කිරීමෙහි ද, රෝගය වළක්වාලීම් හා පාලන කි‍්‍රයාවලියෙහි ද නිරත වූයේ ය.
මහජන චීන සමූහාණ්ඩුවේ කොළඹ පිහිටි තානාපති කාර්යාලයේ සහ චින කොමියුනිස්ට් පක්ෂයේ මධ්‍යම කාර්යාංශයෙහි ජාත්‍යන්තර දෙපාර්තමේන්තුවේ සහාය ඇතිව පාත්ෆයින්ඩර් පදනමට අනුබද්ධ, චීන ශ‍්‍රී ලංකා සහයෝගීතා අධ්‍යයන මධ්‍යස්ථානය, මෙම කෘතිය පරිවර්තනය කර ප‍්‍රකාශයට පත් කළ ලද අතර ඒ සදහා ෂැංහයි විද්‍යාත්මක සහ තාක්ෂණික ප‍්‍රකාශකයන්ගෙන් නොමද සහයක් ලැබුණි.

‘‘කොවිඞ්-19 වලක්වාලීම හා පාලනය’’ කෘතියෙහි මෘදු පිටපත ඔබට https://bit.ly/3hCJQIZ  දිගුවෙන් කියැවිය හැකිය.

සටහන  : ගාමිණී සරත් ගොඩකන්ද