ග්‍රාමීය ජනතාවට සිය පළාත් පාලන ආයතන මගින් ඉටු විය යුතු සේවාවන් ලබා ගැනීම සඳහා දේශපාලනඥයන් පසුපස යා යුතුව තිබූ යුගය අවසන් කරන බව කම්කරු අමාත්‍ය සහ ආර්ථක සංවර්ධන නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතා පවසයි.
පුනරුදයට මග - ග්‍රාමීය මාර්ග 1000ක් සංවර්ධන කිරීමේ වැඩසටහන යටතේ දිවුලපිටිය, බඩල්ගම කටුකෙන්ද - නොම්මර 03 වත්ත මාර්ගය ප්‍රතිසංස්කරණ කටයුතු පසුගියදා ආරම්භ කළ අතර, එම අවස්ථාවට එක්වෙමින් නියෝජ්‍ය අමාත්‍යවරයා මේ බව පැවසීය.
මංමාවත් ප්‍රතිසංස්කරණය කිරීමේදී සිය පළාත් පාලන ආයතනවලින් ඉටු වන සියලු සේවාවන් ලබා දීම සඳහා විධිමත් ක්‍රමවේදයක් සකස් කරමින් සිටින බව නියෝජ්‍ය අමාත්‍යවරයා වැඩිදුරටත් පැවසීය.