මෙම විභාගය නව නිර්දේශය සහ පැරණි නිර්දේශය වශයෙන් 2017 දෙසැම්බර් 12 දින සිට දෙසැම්බර් මස 21 දින දක්වා පැවැත්වීමට තීරණය කර ඇත. ඒ අනුව පාසල් අයදුම්කරුවන් සඳහා අදාල අයදුම්පත් මේ වන විට විදුහල්පතිවරුන් වෙත තැපැල්කොට යවා ඇති අතර පෞද්ගලික අයදුම්කරුවන් සඳහා අදාල ආදර්ශ අයදුම්පත සහ විභාග මධ්‍යස්ථාන පිහිටවනු ලබන නගර ලේඛනය 2017 මැයි මස 4 වන දින පුවත්පත්වල පළ කර ඇත. 

නිසි පරිදි සම්පූර්ණ කරන ලද අයදුම්පත් පාසල් අපේක්ෂකයින් තම පාසලේ විදුහල්පතිතුමා මඟින් 2017 මැයි මස 31 දින හෝ ඊට පෙර ලැබෙන ලෙස එවිය යුතු අතර පෞද්ගලික අයදුම්කරුවන් නියමිත විභාග ගාස්තු තැපැල් කාර්යාලයට ‍ගෙවා ලබාගත් කුවින්තාන්සිය අදාල ස්ථානයේ අලවා, අයදුම්පත නිසි පරිදි සම්පූර්ණ කර 2017 මැයි මස 31 දින හෝ ඊට පෙර ලැබෙන ලෙස ලියාපදිංචි තැපෑලෙන් විභාග දෙපාර්තමේන්තුව වෙත එවිය යුතුය. නියමිත දිනට පසුව එවනු ලබන අයදුම්පත්‍ර ප්‍රතික්ෂේප කරනු ලැබේ.