නිදහස් වෙළද කලාප හා අපනයන සැකසුම් කලාපවල යටිතල පහසුකම් නැංවේ. ඒ සදහා කඩිනම් වැඩපිළිවෙලක් ආරම්භ කර ඇතැයි කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා පවසයි.
කොරෝනා වෛරසයෙන් ආරක්ෂා වීම සඳහා රට තුළ ක්‍රියාත්මක කෙරෙන වැඩපිළිවෙල තවත් ශක්තිමත් කර ඇති අතර, පළමුවෙන්ම කොරෝනා වෛරසය ආසාදිත බවට ශ්‍රී ලංකාවෙන් වාර්තා වූ චීන ජාතික කාන්තාව හැරුණු විට මේ වන තෙක් කිසිදු කොරෝනා වෛරස ආසාදිත රෝගියකු රට තුළ වාර්තා වී නොමැති බවත් මේ පිළිබඳ කරුණු දක්වන වැඩබලන සෞඛ්‍ය සේවා අධ්‍යක්ෂ ජනරාල්, ලක්ෂ්මන් ගම්ලත් මහතා සඳහන් කරයි.
72 වන ජාතික නිදහස් සමරු උත්සවයේ පෙර පුහුණු කටයුතු හේතුවෙන් අද දින කොළඹ නිදහස් චතුරස්‍රය ආශ්‍රිතව මාර්ග කිහිපයක රථ වාහන ධාවනය සීමා කිරීමට තීරණය කර තිබේ.
72 වන නිදහස් දින සමරු උළෙල හෙට දිනයේ දී (04) ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් නිදහස් චතුරශ්‍රයේ දී සිදු කිරීමට මේ වන විට සියලු කටයුතු සුදානම් කර ඇත.
ලෝක බැංකුවේ ණය සහන මත ඇමරිකානු ඩොලර් මිලියන 200ක වියදමින් සෞඛ්‍ය අමාත්‍යංශය විසින් ක්‍රියාත්මක කරන ප්‍රාථමික සෞඛ්‍ය සේවා පද්ධතිය සවිබල ගැන්වීමේ ව්‍යාපෘතියේ ප්‍රගතිය සොයා බැලීම සඳහා ලෝක බැංකුවේ දකුණු ආසියානු කලාපය භාර උප සභාපති හැඩිවික් ෂැපර් මහතා අද (31) ශ්‍රී ලංකාවට පැමිණීමට නියමිතය.