අද (20) පෙරවරු 8.30 සිට 11.30 දක්වා වූ පැය 03 ක කාලය තුලදී වැඩිම වර්ෂාපතනය ගම්පහ දිස්ත්‍රික්කයේ මිනුවන්ගොඩ ප්‍රදේශයෙන් වාර්තා වනවා. එය මිලීමිටර් 109 ක අගයක් බවයි කාලගුණ විද්‍යා දෙපාර්තමේන්තුව සඳහන් කළේ.
මිට අමතරව ගාල්ල, හෑගොඩ ප්‍රදේශයෙන් මිලිමීටර් 82ක්, මැනික්කන්ද මිලිමීටර් 78.5ක් සහ යක්කලමුල්ල මිලිමීටර් 74.5 ක් ලෙස වර්ෂා පතනයක් වාර්තා වී තිබෙනවා.
බස්නාහිර, සබරගමුව, මධ්‍යම, දකුණ සහ ඌව පළාත්වල දැනට පවතින වැසි තත්ත්වය ඉදිරි පැය 24 තුල තවදුරටත් පවතී යැයි බලාපොරොත්තු වන බවයි කාලගුණ විද්‍යා දෙපාර්තමේන්තුව සඳහන් කළේ.
දිවයිනේ ඇතැම් ස්ථාන වලට මිලිමීටර් 150 වැඩි තද වර්ශාපතනයක් ඇති විය හැකි බවයි කාලගුණ විද්‍යා දෙපාර්තමේන්තුව අනාවැකි පළකර සිටින්නේ
මීට අමතරව කොළඹ , කළුතර, ගාල්ල, රත්නපුර, කෑගල්ල දිස්ත්‍රික්ක සදහා නායයාමේ අවදානම් නිකුත් කර ඇත.
ජනතා අවශ්‍යතාවන්ට ප්‍රමුඛත්වය …
රජයේ වැඩපොළ සහ රාජ්‍ය ඉංජිනේරු සංස්ථාව බල ගැන්වීමට පියවර …
තැබූ විශ්වාසය තහවුරු කරන බවට ඉංජිනේරුවරුන්ගෙන් සහතිකයක් …
පාසල් නිවාඩුව තවත් සතියකින් දීර්ඝ කරයි
මෙවර මහ මැතිවරණයට ඉදිරිපත් වන ඇතැම් අපේ්ක්ෂකයින්, මැතිවරණ ප‍්‍රචාරක දැන්වීම් සහ පති‍්‍රකා සඳහා තමන් හමුවීමට පැමිණි අවස්ථාවේ ගත් ඡායාරූප භාවිත කරන බවට තොරතුරු වාර්තා වී ඇතැයි කොළඹ අගරදගුරු මැල්කම් කාදිනල් රංජිත් කාදිනල්තුමන් පවසනවා.
නිවේදනයක් නිකුත් කරමින් කාදිනල්තුමන් පෙන්වාදෙන්නේ ඔවුන් එලෙස කටයුතු කරන්නේ සිය අවසරය හෝ කැමැත්තකින් තොරව බවයි. තමන් හෝ අගරදගුරු පදවිය කිසිඳු දේශපාලන පක්ෂයක් හෝ දේශපාලන කණ්ඩායමක් සමග පක්ෂ දේශපාලනයේ නොයෙදෙන බවයි කාදිනල් හිමිපාණන් සඳහන් කළේ.
සිය හෘද සාක්ෂියට අනුව කැමති අපේක්ෂකයෙකුට සිය ඡන්දය ප‍්‍රකාශ කිරීමට සෑම පුරවැසියෙකු සතු ප‍්‍රජාතාන්ත‍්‍රික අයිතිය කිසිවෙකුට අහිමි කළ නොහැකි බව ද කොළඹ අගරදගුරුවරයා සිය නිවේදනය මගින් වැඩිදුරටත් පෙන්වා දෙනවා.
ඊයේ දිනයේදී පමණක් මෙරට තුළ PCR පරීක්ෂණ 2723 ක් සිදුකර ඇතැයි සෞඛ්‍ය ප‍්‍රවර්ධන කාර්යංශය පවසනවා. ඉකුත් පෙබරවාරි මාසයේ සිට මේ දක්වා කාලය තුළ මෙරටදී සිදුකළ වැඩිම දෛනික PCR පරීක්ෂණ සංඛ්‍යාව ද එයයි.
ඒ අනුව මේවනවිට මෙරටදී සිදුකර ඇති සමස්ථ PCR පරීක්ෂණ සංඛ්‍යාව එක්ලක්ෂ 35,519 ක් බවයි සෞඛ්‍ය ප‍්‍රවර්ධන කාර්යංශය පැවසුවේ.
අනුරාධපුර රාජාංගනය ප‍්‍රදේශයේ හුදෙකලා කර ඇති ගම්මානවල නිරෝධායනය වෙමින් සිටින පුද්ගලයින්ගේ දෙවන වටයේ PCR පරීක්ෂණ ද අද ආරම්භ කළ බව සෞඛ්‍ය අංශ සඳහන් කළා.
මේ අතර කන්දකාඩු පුනරුත්තාපන කඳවුරෙන් වාර්තා වූ කොරෝනා ආසාදිත පොකුරෙන් මේවනවිට ආසාදිතයින් 550 දෙනෙකු හඳුනාගෙන ඇති බව කොවිඞ් 19 පැතිරීම වැළැක්වීමේ ජාතික කි‍්‍රයාන්විත මධ්‍යස්ථානය පවසනවා.
ඉන් ආසාදිතයින් 444 දෙනෙකු එම කඳවුරේ රැඳවියන් වන බවයි එම මධ්‍යස්ථානය පැවසුවේ. එහි කාර්යය මණ්ඩල සාමාජිකයින් 64 දෙනෙකු සහ ඔවුන්ගේ ආශ‍්‍රිතයින් 42 දෙදෙනෙකු ද කොරෝනා ආසාදිතයින් ලෙස මේවනවිට තහවුරු වී තිබෙනවා.
මේ අතර ති‍්‍රවිද හමුදාව විසින් පවත්වාගෙන යනු ලබන පැල්වෙහෙර නිරෝධායන මධ්‍යස්ථානයේ නිරෝධායනය වෙමින් සිටි පුද්ගලයින් 104 දෙනෙකු නිරෝධායන කටයුතු සාර්ථකව අවසන් කර අද සිය නිවෙස් වෙත පිටවයාමට නියමිතයි.
ඒ අනුව මේවනවිට නිරෝධායන කි‍්‍රයාවලිය සාර්ථකව අවසන් කර නිවෙස් බලා පිටවගොස් ඇති පිරිස 23,286 දෙනෙකු බව කොවිඞ් 19 පැතිරීම වැළැක්වීමේ ජාතික කි‍්‍රයාන්විත මධ්‍යස්ථානය සඳහන් කළා.
මේ අතර නව්‍ය කොරෝනා වෛරසය ආසාදනය වී සුවය ලැබූ නාවික හමුදා සාමාජිකයින් ගණන ද 901 දෙනෙකු දක්වා ඉහළ ගොස් තිබෙනවා.
ඒ, වෛරසය ආසාදනය වී සිටි තවත් නාවික හමුදා සාමාජිකයින් දෙදෙනෙකු පූර්ණ සුවය ලබා අද රෝහල්වලින් පිටව යාමත් සමගයි.
ඒ අනුව නව්‍ය කොරෝනා වෛරසය ආසාදනය වූ නාවික හමුදා සාමාජිකයින් 05 දෙනෙකු පමණක් තවදුරටත් රෝහල්ගතව ප‍්‍රතිකාර ලබමින් සිටිනවා. නව්‍ය කොරෝනා වෛරසය ආසාදනය වී ඇති බවට මෙරටින් හඳුනා ගැනුණු සමස්ථ නාවික හමුදා සාමාජිකයින් ගණන 906 දෙනෙක්.