Thursday, 14 December 2017

අද සහ ඉදිරි දිනවලදීත් උතුරු සහ නැගෙනහිර සුළඟේ වේගය වැඩිවේ

Posted On Tuesday, 05 December 2017 05:09

අද සිට ඉදිරි දිනවලදී උතුරු සහ නැගෙනහිර පළාත්වල සහ විශේෂයෙන් උතුරු සහ නැගෙනහිර මුහුදු ප්‍රදේශවල සුළඟේ වේගය වැඩිවීමේ හැකියාවක් පවති.


දිවයිනට කි.මී.1100 පමණ දුරින් ගිණිකොන දිග බෙංගාල බොක්ක මුහුදු ප්‍රදේශයේ වර්ධනය වී ඇති අඩු පීඩන කලාපය ඉදිරි පැය 24 ඇතුළත පීඩන අවපාතයක් දක්වා වර්ධනය වන ලකුණු ඇති බැවින් මෙවැනි තත්ත්වයක් ඇති විය හැකි බව කාලගුණ විද්‍යා දෙපාර්තමේන්තුව මඟින් නිකුත් කළ නිවේදනයේ සඳහන් වේ.

උතුරු, උතුරු - මැද, නැගෙනහිර සහ ඌව පළාත්වල විටින් විට වැසි හෝ ගිගිරුම් සහිත වැසි ඇතිවන බවත් සෙසු ප්‍රදේශවල සවස 2.00 න් පමණ පසු වැසි හෝ ගිගිරුම් සහිත වැසි ඇති වන බවත් එම දෙපාර්තමේන්තුව ප්‍රකාශ කරයි.

නැගෙනහිර, උතුරු, උතුරු-මැද සහ ඌව පළාත්වල ඇතැම් ස්ථානවලට සාමාන්‍යයෙන් මී.මී 75 පමණ තද වැසි ඇති වනු ඇතැයි අපේක්ෂා කරන බවත් බස්නාහිර, සබරගමුව සහ ඌව පළාත්වලත් අම්පාර සහ මඩකලපුව දිස්ත්‍රික්කවලත් විටින් විට හමන පැ.කි.මී.50ක් පමණ තරමක් තද සුළං බලාපොරොත්තු විය හැකි බවද පෙන්වා දෙයි.

ගිගිරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැකි බැවින් අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් කාරුණිකව ඉල්ලා සිටීයි

ගතානුගතිකත්වයෙන් මිදී යහපත් ගමනක් යන්න අදහස් කරමු. නිර්මාණශීලී බව අපේ ව්‍යායාමයේ ප්‍රධාන ලක්‍ෂණයක් වනු ඇත.

Newsletter

Subscribe to our newsletter. Don’t miss any news or stories.

We do not spam!