ඒ පාසල් වාර විභාග අවසන් වීමෙන් අනතුරුව අදාළ ප්‍රතිඵල ලබාදීම පාසල් නිවාඩුවෙන් පසු සිදු කිරීම සහ ප්‍රමාද කිරීම හේතුවෙන් දරුවන්ගේ අධ්‍යාපන කටයුතුවල සාධනීය තත්ත්වයන් සහ ප්‍රගතිය මැන ගැනීමට මාපියන්ට සහ දරුවන්ට නොහැකි තත්ත්වයක් ඇතැම් පාසල්වල මතුවන බවට ලද පැමිණිලි සැලකිල්ලට ගනිමින් අධ්‍යාපන ලේකම්වරයා විසින් විදුහල්පතිවරුන්ට මෙලෙස උපදෙස් ලබා දී තිබේ.

 

දරුවන්ගේ ප්‍රගති වාර්තා මෙන්ම ශිෂ්‍ය සාධන වාර්තා ආදිය සෑම පාසලකම අදාළ පාසල් වාරය අවසන් කෙරෙන දිනය වනවිට මාපියන් අතට පත් කිරීමට පියවර ගන්නා ලෙසයි අධ්‍යාපන ලේකම්වරයා වැඩිදුරටත් උපදෙස් ලබා දී තිබෙන්නේ.