පකිස්තානයේ ඉස්ලාමාබාද් නුවරදී පුද්ගලයන් 152 දෙනෙකු රැගත් ගුවන් යානාවක් අනතුරට පත්වී ඇතැයි විදෙස් මාධ්‍ය වාර්තා කරයි.
එයාර්බස් A321 වර්ගයට අයත් මෙම ගුවන් යානාව කරච්චියේ සිට ඉස්ලාමාබාද් දක්වා පැමිණ ඇති අතර මෙහි ගුවන් මගීන් 146 දෙනෙකු සහ කාර්ය මණ්ඩලයේ 06 දෙනෙකු සිට ඇත.

මෙම ගුවන් අනතුරින් දිවි ගලවා ගත් පුද්ගලයන් සම්බන්ධයෙන් නිශ්චිත තොරතුරු වාර්තා වී නොමැති අතර මේ සම්බන්ධයෙන් එකිනෙකට පරස්පර විරෝධී වාර්තා පළ වන බව මාධ්‍ය පෙන්වා දෙයි.

යානාව අනතුරට පත්වූ ප්‍රදේශය කඳු සහිත ප්‍රදේශයක් වන අතර අයහපත් කාලගුණ තත්ත්වය මෙම අනතුරට හේතු වන්නට ඇතැයි විශ්වාස කෙරේ.

මෙවර සාර්ක් සමුළුව භූතානයේ තිම්පු නුවර දී පැවැත්වීමට සැලසුම් කර තිබෙන අතර එය  අප්‍රේල් 28 සහ 29 යන දිනවල පැවැත්වීමට නියමිතය. මෙවර සමුළුවේ ප්‍රධාන තේමාව වී ඇත්තේ දේශගුණික විපර්යාස පිළිබඳව කලාපයේ රටවල අවධානය යොමු කිරීමය.

16 වන වරට සංවිධානය කර ඇති මෙම සමුළුවට සමගාමීව පැවැත්වෙන විදේශ අමාත්‍ය සමුළුව අප්‍රේල් 27 වැනිදා පැවැත්වීමට නියමිතව ඇත. මීට අමතරව සාමාජික රටවල් අතර ඊට සම්බන්ධ ගිවිසුම් සහ සහයෝගීතාවයන්ට එළඹීමට ද මෙමගින් අපේක්ෂා කර ඇත.

ඔස්ට්‍රේලියාව, චීනය, යුරෝපා සංගමය, ඉරානය සහ ජපානය ඇතුළු රටවල් කිහිපයක් සාර්ක් සංවිධානයේ නිරීක්ෂණ රාජ්‍යයන් ලෙස කටයුතු කරන අතර ශ්‍රී ලංකාව, නේපාලය,  පාකිස්ථානය, මාලදිවයින, බංගලාදේශය, ඉන්දියාව,භූතානය සහ ඇෆ්ගනිස්ථානය යන රටවල් සාර්ක් සංවිධානයේ සාමාජිකත්වය දරයි.

චන්ද්‍රයා මත ජලය ඇත්දැයි සොයාබැලීම සදහා පසුගිය දශකය පුරා සිදුකල පර්යේෂණ ප්‍රමාණය අතිමහත්ය. පෘථවි වාසීන්ට එය සිහි‍නයක් මෙන් විය. එම සිහිනයට නව පණක් එක් කරන ආරංචියක් දැන් ලැබී ඇත. විද්‍යාඥයන් පවසන පරිදි හඳ මතුපිට රස වර්ග තුනකින් යුක්ත ජලය තිබේ.

ඉන්දීය  චන්ද්‍රයාන් යානය පොලවට එවූ තොරතුරු වලින් හා නාසා ආයතනය සිදුකල පර්යේෂණ වලින් පසු මෙම තොරතුරු අනාවරණය කොටගෙන තිබේ. විද්‍යඥයින් පවසන්නේ සඳ මත ද්‍රව අයිස් තට්ටු පවතින බවට සාක්ෂි ලැබී ඇති බවයි.

චිලී රාජ්‍යයේ නව ජනාධිපතිවරයා ලෙස සෙබස්තියන් පෙරෙයිරා අද (12) වැඩ භාරගත්තේය. ජනාධිපතිවරයා වැඩ භාරගන්නා මොහොතේදී රිච්ටර් මාපකාංක 6.9 ක භූ කම්පනයක්ද එරටින් වාර්තා විය. එයින් කිසිඳු හානියක් වාර්තා නොවන අතර ජනාධිපතිවරයා පවසන්නේ රාජකාරී භාරගැනීමට සුදුසුම මොහොත භූ කම්පනයෙන් සනාථ කරන බවයි.

චිලී හි හිටපු ජනාධිපති මිචෙල් මැචෙල්ගෙන් පසු සෙබස්තියන් පෙරෙයිරා ජනාධිපතිධූරයට පත්විය.

ලෝක කාන්තා දිනය ගතවී දින කිහිපයක් ගෙවුනා පමණි. ලෝකයේම අවධානය ඉන්දියාව දෙසට යොමුවෙමින් තිබේ. ඒ අනෙකක් ‍නිසා නොවේ. ඉන්දීය දේශපාලනය හා කාන්තා පරපුර නව මාවතකට යොමු කරමින් ඉන්දීය පාර්ලමේන්තුව නව තීරණයකට එළඹීම එයට හේතුවයි. ඉන්දීය කාන්තාව සදහා එරට දේශපාලනය තුල 33% ක් වෙන්කිරීමේ යෝජනාව ඊයේ එරට පාර්ලිමේන්තුවේදී සම්මත විය. පැය තුනක් පුරා පැවති විවාදයෙන් පසු මෙම යෝජනාව සම්මත විය.

මේ අතර රුසියානු අග්‍රාමාත්‍ය ව්ලැඩ්මීර් පුටින් අද ඉන්දීය සංචාරයක නිරත වීමට නියමිතය. 1950 පටන් දෙරට අතර තිබූ සබදතා මේ හේතුවෙන් තවදුරටත් ශක්තිමත් වන බව විචාරකයන්ගේ අදහසය. අගමැතිවරයා මෙහිදී අවි ගණුදෙනු ඇතුළු ගිවිසුම් රැසක් අත්සන් කිරීමට නියමිතව ඇත. මෙම ගිවිසුම්වල වටිනාකම ඩොලර් බිලියන 10 කට වැඩි බව වාර්තා වෙයි. තමිල්නාඩුවේ න්‍යෂ්ටික බලාගාරය පිළිබද සොයාබැලීමට අගමැතිවරයා තීරණය කර ඇත.

ඉන්දියාවට ආයුධ සපයන්නන් අතර ඉදිරියෙන්ම සිටින්නේ රුසියාවයි.

මීට සුළු මොහොතකට පෙර තූර්කියේ ඇතිවූ භූමි කම්පනයකින් 57 දෙනෙකු මරණයට පත්වූ බවත් තවත් විශාල පිරිසක් තුවාල ලබා ඇති බවත් වාර්තා වෙයි. දැනට වාර්තා වන තොරතුරු අනුව තූර්කියේ එලාසිග් ප්‍රාන්තයේ ගම්මාන 6 ක් මෙම භූ කම්පනයෙන් විනාශයට පත් වී ඇත.

“මුළු ගම්මානයම සම්පූර්ණයෙන්ම විනාශයි”

මෙහෙම පැවසුවේ ඔක්කියුලර් ගමේ පරිපාලන නිළධාරියෙක් වන හසන්න ඩෙට්රඩැග් විසිනුයි.

භූ කම්පනයේ ප්‍රබලත්වය රිච්ටර් මාපක අංක 5.5 ක් ලෙස සටහන්ව ඇත.

 

ඉතාමත් දුර්ලභ “බෞද්ධ මලක්” චීනයේ ගමක පිපී ඇති බවට එංගලන්තයේ පුවත්පතක් වන ඩේලි ටෙලිග්‍රාෆ් පුවත් පතේ පලකොට ඇත.

චීනයේ ජියංෂි ප්‍රාන්තයේ ලූෂාන් කදුකරයේ චීන මෙහෙනින්වහන්සේ නමකගේ නිවසේදී මෙම මල හමුවී තිබේ.

මෙම පුවත අනුව බෞද්ධ සාහිත්‍ය ඉතිහාසයේ සදහන් වන උදුම්බරා නමැති මෙම මල පිපෙන්නේ අවුරුදු 3000 කට වරක් පමණි. මෙම නම සංස්කෘති භාෂාවේ සදහන් වන එකක් බව සදහන් කරන මෙම පුවත් පත ඊට “බෞද්ධ මලක්” යයි සදහන් කර ඇත්තේ එම මලේ නම බෞද්ධ සාහිත්‍ය ඉතිහාසයේද සදහන් වන නිසා වෙන්නට පුළුවන.

අවුරුදු 50 ක් වයසැති මියාඕ වෙයි මෙහනින් වහන්සේගේ නිවසේ රෙදි සෝදන යන්ත්‍රයක් යට කුඩා සුදු මල් පොකුරක් දැක ඇත. පණුබිත්තර වෙන්නට ඇතැයි මුලදී සිතූ නමුත් පසුවදා ඉතාමත් සුවද සුදු මල් පොකුරක් ඇගේ නෙත්වලට යොමු විය.

මෙම මල් දිව්‍ය ලෝකයෙන් ලැබුන සුභ මලක් ලෙස මෙහෙනින් වහන්සේගේ ගමේ පන්සල්වල මතයක් පවතී.