මහජනතාව ජන්දය දෙන්නේ නීතිය අතට ගන්නට නොවේ. එහෙම නමුත් කොහොම හරි ජන්දයෙන් දිනු අය හිතන්නේ තමන් ට ජන්දය සමග නොසෑහෙන බලයකුත් ලැබී ඇති හැටියටය. එහෙම හිතන්නට ද හේතුවක් තිබේ. මේ අය ට කැමති කණ්ඩායමක් රටේ ජීවත්වෙයි.
අද ප්රශ්න කළත් ගම්පහ දිස්ත්රික්කයේ ආචාර්ය මර්වින්ට ජන්දය දුන් බව ප්රසිද්ධියේ පිළිගන්නට සූදානමක් ඇති ලක්ෂ ගණනක් ඇත. තමන්ට වැඩක් කරන කෙනෙකු මහජන නියෝජිතයා කර ගන්නට මේ පිරිස කැමතිය. මහජන නියෝජිතයන් ප්රතිපත්ති ගැන කතා කරමින් රට ගොඩ නගන්නට වෙහෙසෙන විට ආචාර්ය මර්වින් හොදින් හෝ නරකින් තමන් හමුවට එන ජන්ද දායකයාගේ අවශ්යතාවය ඉටු කරන්නේ නම් එයට වඩා වෙනස් උවමනාවක් නැත. මෙහෙම වී ඇත්තේ මේ රටේ බුද්ධිමත් ජනතාව නිහඩව ජන්දය නොදී සිටින අතර වඩා ගැඹුරට නොසිතා පටු ආකල්ප අනුව මහජන නියෝජිතයන් තොරාගන්නා පිරිස පෝලිමට ගොස් ආචාර්ය මර්වින් වැනි අයට ජන්දය පාවිච්චි කරයි.
ජනතාව කට ගැන හිතා ජන්දය දෙයි. බඩට යමක් දෙන නිසා ද ජන්දය දෙයි. මේ කට ගැනත් බඩ ගැනත් හිතා ජන්දය දෙන ජන්ද දායකයෝ හිතන්නේ අද ගැන පමණකි. හෙට පරම්පරාවට වෙන්නේ කුමක්දැයි කල්පනා කරන්නේ නැත.
මෙහෙම අය ඉන්නා එක නායකයන්ට අභියෝගයක් නොවේ. මාධ්යය පෙන්වන්නේ මේ වැඩ කාරයන්ගේ වීර ක්රියාය. සංවාද පැතිරෙන්නේ රටේ අවධානය ඇතිවන්නේ මේ අය ගැනය. යුද්ධයෙන් පසු ගතවූ අවුරුද්ද ඇතුලත සිරස ප්රහාරය, මාරාන්තික උපවාසය, මේ ඩෙංගු ගස් බැදීම වැනි දේ විනා රටට වැදගත් වෙනසක් වී තිබේද? මේ කැබිනට් ඇමතිවරු නොවේ නම් රටේ වැඩක් කෙරෙනවා යැයි මාධ්ය වලින් පෙන්නන්නට යමක් තිබේද?
වැඩ කරන ඇමතිවරු නොසිටිනවා නොවේ. ඔවුන් මහජනතාවගෙන් ඈතය. ජන්දයෙන් දිනන්නට බැරි තරමට මේ විහිලූ කාරයන් මෙන් ජනප්රිය නැත. එපමණක් නොවේ ඒ ජනප්රිය බව අහිමි හෙයින්ම රටේ දෙවැනි පෙළ නායකයන් ලෙස පෙනී සිටීමක් ද නැත. ඉතින් නායකයන්ට අභියෝග තිබේද? බලයේ සිටින කවර හෝ පුද්ගලයෙකු ගේ විධාන අනුව කාර්යය මෙහෙයවන ඔහු විසින් ගලවා ගන්නා අවස්ථාවේ විපතින් මිදෙන මහජනතාවගේ ආකර්ශනය ඇති මෙවැනි සංදර්ශන වලින් පමණක් රට ඉදිරියට ගෙන යා හැකිද? අපේ ප්රශ්නය එයයි.
තමන්ට කොයිතරමට වාසි ලැබුණත් යුක්තිය හා සාධාරණත්වය ගැන නොහිතන පිරිස අපේ රටේ අඩුය. ජන්දය දෙන්නේ නීතිය අතට ගෙන හිතට එන හැම දෙයම කරන්නට නොවෙන බව මේ කන්ඩායම හිතන්නට පටන් ගන්නා මොහොතක් තිබේ. ඒ මොහොත කොතැන කොයි අවස්ථාවක උදා වේ දැයි කලින් කියන්නට අපට හැකියාවක් නැත. මහජනතාවගේ ආකල්ප ගමන් කරන ආකාරය ගැන හොද ඉවක් ඇත්තේ මහජනතාවගේ නියෝජිතයන්ට ම පමණකි.
තැනින් තැන බෙලෙක් හඩ ඇසෙන හා හිස් දිය කළ සෙලවෙන බව පෙනෙන විට තමන් වටා ඉන්නා කණ්ඩායම මෙහෙම නම් තමන්ගේ තරම දැන ගැනීමට මෙයට වඩා අවස්ථාවක් නැත.
වරද්දාගත් ගුරු විසිනි
සමනලයා මල් පැණි බොන සතෙක්. එහෙම තමයි අපි කවුරුත් හිතාන ඉන්නේ. ඒත් හැම සමනලයෙක්ම ජීවත් වෙන්නේ මල් පැණි බීලාම නෙවෙයි. ඇතැම් සමනල විශේෂ සිය ආහාරය වශයෙන් ඉදුණ පලතුරුවල යුෂ උරාබොද්දී තවත් අය සත්ව වසුරුවල යුෂත් වෙනත් අය තෙත් පසෙහි ඇති ජලයත් උරා බොමින් ජීවත් වෙනවා.
විජය නම් වූ හෙතෙම තමන් පා වී ආ ඒ දූපත් රාජ්යය කුමක්දැයි හරිහැටි දැන සිටියේ නෑ. අනිත් අතින් වෙරළට ගොඩ බැසීමෙන් පසු දෑත් බිම ඔබා පස්සට වාරු වී හිද ගිමන් නිවාගන්නට ඒ කියපු දූපත් රාජ්යයේ වග වාසගම් ගැන අමුතු විස්තරයක් ඔහුට අවශ්ය වුනෙත් නෑ. එහෙත් ගිමන් නිවාගත් ඉක්බිති එතැනින් නැගී සිටගත් ඔහු දෙ අත්ලෙහි තැවරුණ වැලි පිස දැමීමට ඒ දෙස බැලුවා පමණයි තමන් ගොඩ බට මේ අපූර්ව දූව කුමක් දැයි සොයා බැලීමට ඔහු ට දැඩි වුවමනාවක් හට ගත්තා විය හැකියි. මේ “තම්බපණ්ණිය” ක් යැයි ඔහු එදා එසේ කීවේ යැයි ඉතිහාසය පවසනවා. මේ කියන තම්පණ්ණී හෙවත් තඹ වන් වෙරළ අයත් වන්නේ විල්පත්තුවටයි. වසර තිස් ගණනක් පුරා ත්රස්තවාදී ප්රහාර නිසා වන සංරක්ෂණ දෙපාර්තමේන්තුවෙන්, පරිසර සැරිසර වෙනුවෙන් දොරටු වැසුණ ශ්රී ලංකාවේ විශාලතම වනෝද්යානය වන විල්පත්තුව පසුගිය 27 වැනිදා යළිත් පරිසර සැරිසර උදෙසා දොරටු විවෘත කළා. ඒ පරිසර අමාත්යවරයාගේ ප්රධානත්වයෙන්.
ඉන්දිකා උපමාලිගේ “සද පහන් රැයේ” සංයුක්ත තැටිය එළිදැක්වීම සහ සජීවී ප්රසංගය මේ මස 18 වනදා එල්ෆින්ස්ටන් රගහලේදී පැවැත්වීමට නියමිතව ඇත.
විශාරද නන්දා මාලනී, අමරසිරි පීරිස්, සමන්ත පෙරේරා සමග ඩබ්ලිව්. ඩී. ආරියසිංහ යුග ගීත ගායනා කරනු ලබයි. මෙහිදී සංයුක්ත තැටිය එළිදැක්වීම මියුසික් බොක්ස් වෙතින්ද මෙහෙයවීම කැලුම් ශ්රීමාල් ගෙන් හා සංගීතය සමන්ත පෙරේරාගෙනි. සමරු දේශනය ශාස්ත්රපති කෝලිත භානු දිසානායකයන් විසින් සහ උපුල් ශාන්ත සන්නස්ගලයන් විසින්ද පැවැත්වීමට නියමිතය.